यूहन्ना 4:23 - Garhwali

²³ पर अब उ बगत औण वळु च बल्किन अभि भि च, जब सच्‍चा भक्‍त पिता परमेस्वर की भक्‍ति तैं आत्मा अर सच्‍चै से करला, किलैकि पिता परमेस्वर अफु खुणि इन्‍नि भक्‍ति करण वळो तैं खुज्यान्दु च।

गढवली नयो नियम

²³ पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

यूहन्ना 4:23 ပူးပေါင်းရင်းမြစ်များ

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

यूहन्ना 12:23

तब यीशु न ऊंकू बोलि, “देखा, अब मनखि का पुत्र को बड़ु आदर-सम्मान करण को बगत ऐ गै।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 16:32

देखा, अब उ बगत औणु च, बल्किन मा ऐ भि गै। जब तुम सभि मितैं इखुली छोड़ि के तितर-बितर ह्‍वे जैल्या, अर अपणा-अपणा बाटों पर चलि जैल्या। तभि भि मि इखुली नि छौं, किलैकि मेरु पिता मेरा दगड़ा मा च।

यूहन्ना 4:21

तब यीशु न वींकू बोलि, “भुलि, तू मेरी ईं बात पर बिस्वास कैर, कि अब उ बगत औण वळु च जब कि तुम सामरी लोग पिता परमेस्वर की भक्‍ति तैं नऽ त ये ढौंडा पर करिल्या अर ना ही यरूशलेम नगर मा।

यूहन्ना 5:25

मि तुम बटि सच्‍चि ही बोन्‍नु छौं, कि अब उ बगत औण वळु च बल्किन मा ऐ गै, अर जु लोग आत्मिक जीवन मा मोरि गैनी, ऊ भि परमेस्वर का पुत्र की आवाज तैं सुणला। अर जु कुई वेकी आवाज तैं सुणला ऊ सदनि को जीवन पाला।

यूहन्ना 5:28

“ईं बात पर ताजुब नि कैरा, किलैकि अब उ बगत औण वळु च, कि जथगा भि लोग मोरि गैनी, ऊ सब वेकी आवाज तैं सुणी के मौत मा बटि ज्यून्दा ह्‍वे जाला।

रोमियों 1:9

अर पिता परमेस्वर जैकी सेवा मि करदु, वेको पुत्र यीशु मसीह मेरु गवा च किलैकि मि वेको शुभ समाचार लोगु का बीच मा सुणौन्दु। अर मि तुमतै लगातार अपणी प्रार्थना मा भि याद कनु रौन्दु।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

रोमियों 8:26

अर ठिक इन्‍नि जब हम बिस्वास मा मजबूत नि रौन्द्‍यां, त परमेस्वर को पवित्र आत्मा हमरि मदद करदु। अर वे बगत हमतै इन पता नि रौन्दु कि हमतै क्या प्रार्थना करण चयेणी। तब पवित्र आत्मा हमरि आत्मा मा ह्‍वेके पिता परमेस्वर बटि बात करदु, अर रुवे-रुवे के वेसे हम खुणि प्रार्थना करदु।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।