यूहन्ना 4:22 - Garhwali

²² अर तुम जैतैं जणदा नि छाँ वेकी भक्‍ति करद्‍यां, पर हम जैतैं जणदा छां वेकी भक्‍ति करद्‍यां, किलैकि बचौण वळु यहूदियों मदि ही च।

गढवली नयो नियम

²² तुम सामरी लोग जै तैं नि जंणदा वेकी आराधना करदां छा अर जै तैं जंणदा छा हम यहूदी लोग जै तैं जंणदा छा वेकी आराधना करदां छा, किलैकि लुखुं को उद्धार कन वलो यहूदियों मा बट्टी औंदु च।

यूहन्ना 4:22 ပူးပေါင်းရင်းမြစ်များ

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

खास चेलों 17:23

किलैकि जब मि तुमरा नगर मा घूमणु छौ, त मिन तुमरा पूजा करण वळी चीजों तैं बड़ा ध्यान से देखि अर मिन उख वेदी पर इन लिख्यूं देखि कि, ‘अणजाण ईश्‍वर खुणि।’ इलै जब तुम वे ईश्‍वर की पूजा करद्‍यां जैतैं नि जणद्‍यां, त मि तुमतै वे ही परमेस्वर का बारा मा बतै देन्दु,

खास चेलों 17:30

अर पुरणा जमना मा लोग परमेस्वर का बारा मा सुनपट छा, पर परमेस्वर न यों सब बातों पर ध्यान कैरी। मगर आज का बगत मा उई परमेस्वर लोगु तैं आज्ञा देन्दु, कि सब लोग सच्‍चा मन से अपणा-अपणा पापों से पस्ताप कैरा।

खास चेलों 3:26

अर परमेस्वर न ही हम लोगु का बीच मा बटि यीशु मसीह तैं चुणी के ठैरै, अर सबसे पैलि तुमरा ही बीच मा भेजि, ताकि तुम सब अपणी-अपणी बुरै तैं छोड़ि द्‍या, अर वेसे आसीस पा।”

रोमियों 11:18

इलै तुम बड़ु मोन नि कर्यां कि हम ऊं फौंकों से अच्छा छा। अर अगर जु तुम बड़ु मोन करिल्या, त याद रख्यां कि फौंका जलुड़ो तैं समाळि के नि रखदिन, बल्किन मा जलुड़ा फौंकों तैं समाळि के रखदिन,