यूहन्ना 3:31 - Garhwali

³¹ “अर जु स्वर्ग बटि औन्दु उ सभ्यों मदि महान च। अर जु दुनियां बटि औन्दु उ दुनियां को ही च, अर दुनियां की ही बात तैं बुल्दु, पर जु स्वर्ग बटि औन्दु उ सभ्यों मदि महान च।

गढवली नयो नियम

³¹ जु स्वर्ग बट्टी औंदु उ श्रेष्ट च जु धरती बट्टी औंणु उ धरती कु ही च अर धरती कि बात बुल्द जु स्वर्ग बट्टी औंणु उ सबसे बड़ी के च।

यूहन्ना 3:31 ပူးပေါင်းရင်းမြစ်များ

मत्ती 28:18

तब यीशु न ऊंका पास ऐके बोलि, “स्वर्ग अर ईं धरती को पूरु अधिकार मितैं दियूं च।

यूहन्ना 1:15

तब यूहन्‍ना बपतिस्मा देण वळन वेका बारा मा गवै दे, अर चिल्‍लै-चिल्‍लै के इन बोलि कि, “यू मनखि उई च, जैका बारा मा मिन बोलि छौ, उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।

यूहन्ना 1:27

यू उई च, जु मेरा बाद औण वळु छौ। मि इथगा लैख भि नि छौं कि वेका जुतों का तसमा भि खोली सैकु।”

यूहन्ना 1:30

अर यू उई च जैका बारा मा मिन बोलि छौ कि, ‘उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।’

यूहन्ना 3:30

अर यू जरुरी च, कि यीशु बढ़ो अर मि घटु।

यूहन्ना 6:33

किलैकि परमेस्वर का द्‍वारा दिईं रुट्‍टी वा च, जु स्वर्ग बटि उतरि के दुनियां का लोगु तैं जीवन देन्दी।”

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

यूहन्ना 8:23

तब यीशु न ऊंकू बोलि, “तुम मूड़ी का रौण वळा छाँ, पर मि मथि को छौं। अर तुम ईं दुनियां का छाँ, पर मि ईं दुनियां को नि छौं।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

रोमियों 9:5

अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।

इब्रानी 9:1

हे मेरा दगड़्यों, पिता परमेस्वर न पैला करार मा भक्‍ति करण का नियम-कानून दिनी, अर एक पवित्र तम्बू बणौणु कू बोलि।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

1 यूहन्ना 4:5

इन्द्रया झूठ्‍ठा लोग दुनियां की बातों का बारा मा ही बतौन्दिन, अर दुनियां का लोग ऊंकी सब बातों तैं मणदिन, किलैकि वु लोग ईं दुनियां का छिन।

दिब्य दरस 19:16

अर वेका कपड़ों पर अर जंगुड़ा पर जु नौ लिख्यूं च, उ इन च, “राजाओं को राजा, प्रभुओं को प्रभु।”