यूहन्ना 3:29 - Garhwali

²⁹ अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

गढवली नयो नियम

²⁹ ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।

यूहन्ना 3:29 ပူးပေါင်းရင်းမြစ်များ

मत्ती 22:2

वेन बोलि कि, “परमेस्वर को राज एक राजा का जन च, जैन अपणा नौना का ब्यौ की दावत देई।

मत्ती 25:1

तब यीशु न लोगु तैं एक और उदारण सुणै के बोलि, “परमेस्वर को राज ऊं दस कुंवारियों का जन होलु, जु अपणी चिमनियों तैं लेके ब्यौला तैं मिलणु कू गैनी।

मत्ती 9:15

तब यीशु न ऊंतैं जबाब देई, “जबरि तक ब्यौला बरातियों का दगड़ा मा च, क्या बराति शोक कैरी सकदिन? मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

लूका 15:6

अर घौर मा पौंछी के उ अपणा दगड़्यों अर पड़ोसीयों तैं इकट्‍ठा कैरिके बुल्दु कि, ‘मेरा दगड़ा मा आनन्द मणा, किलैकि मितैं मेरी हरचि भेड़ मिली गै।’

यूहन्ना 15:11

अर यू बात मिन तुमकु इलै बुलिनी, कि मेरु आनन्द तुम मा बणयूं रौ अर तुम वे आनन्द मा भरपूर ह्‍वे जा।

यूहन्ना 16:24

अर अभि तक तुमुन मेरु नौ से कुछ भि नि मांगि। इलै मांगा, त तुमतै दिये जालु, ताकि तुम भरपूर आनन्द कैरी सैका।

यूहन्ना 17:13

“हे मेरा पिता, अब मि तेरा पास औणु छौं अर दुनियां मा रौन्द ही मि यों बातों तैं बोन्‍नु छौं। ताकि जन खुशी मितैं होणी च, उन्‍नि ऊंतैं भि भौत खुशी हो।

यूहन्ना 3:30

अर यू जरुरी च, कि यीशु बढ़ो अर मि घटु।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

फिलिप्पी 2:2

इलै मि भि इन चान्दु कि तुम एक-दुसरा से और भि जादा प्यार करा। अर एक मन ह्‍वेके रा, अर इन सोच रखा कि तुम सभ्या का सभि एक जन ही छाँ, अर अगर जु तुम इन करिल्या त यां से मितैं बड़ु आनन्द मिललु।

1 यूहन्ना 1:4

अर या बात हम इलै लिखणा छां, ताकि हम सभ्यों को आनन्द पूरु ह्‍वे जौ।

2 यूहन्ना 1:12

हालांकि, मिन भौत सि बात लिखण छै, मगर मि नि चान्दु कि सब कुछ स्याई से अब यों कागज्दों पर लिखु, बल्किन मा मितैं इन उम्मीद च कि मि तुमरा इख औंऽऽ। अर जब मि उख पौंछुलु, तब अमणि-समणि बात होलि, ताकि तुमरि खुशी पूरि ह्‍वे जौ।

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”