यूहन्ना 3:27 - Garhwali

²⁷ तब यूहन्‍ना न बोलि, “जबरि तक मनखि तैं परमेस्वर की तरफा बटि नि दिये जौ, तबरि तक उ कुछ नि पै सकदु।

गढवली नयो नियम

²⁷ यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।

यूहन्ना 3:27 ပူးပေါင်းရင်းမြစ်များ

मत्ती 21:25

चला इन बता कि यूहन्‍ना तैं बपतिस्मा देण को अधिकार परमेस्वर न दे छौ, या यू अधिकार वेतैं लोगु न दे छौ?” तब ऊ आपस मा बात-चित कैरिके बोन्‍न लगि गैनी, “अगर जु हम इन बुलला कि, ‘वेतैं यू अधिकार परमेस्वर की तरफा बटि मिल्यूं च,’ तब वेन हम कू बोन्‍न कि, ‘त फिर तुमुन वेका वचनों पर बिस्वास किलै नि कैरी?’

मत्ती 25:15

अर जु जथगा का लैख छौ वेन ऊंतैं उथगा ही चांदी का सिक्‍का दिनी, एक तैं पांच हजार सिक्‍का, दुसरा तैं दुई हजार सिक्‍का, अर तिसरा तैं एक हजार सिक्‍का दिनी। अर वेका बाद उ खुद परदेस चलि गै।

मरकुस 13:34

“अब मि तुमतै वे दिन अर वे बगत का बारा मा एक उदारण बतौन्दु, एक दिन एक मनखि जैन परदेस जाण का बगत अपणा घौर की जबाबदारी अपणा नौकरों का हाथों मा सौंप दिनी, अर हरेक तैं वेको काम बतै, अर पैरेदार तैं आज्ञा दिनी की चौकस रै।

यूहन्ना 10:41

तब भौत सरा लोग वेका पास ऐनी, अर बोन्‍न लगि गैनी, “यूहन्‍ना न त कुई भि चमत्कार नि कैरी, फिर भि वेन जु कुछ भि ये मनखि का बारा मा बोलि छौ, उ सब सच्‍च छौ।”

यूहन्ना 6:65

फिर यीशु न बोलि, “इलै मिन तुमतै पैलि बतैयालि छौ, कि जबरि तक पिता की रजामंदी नि हो तबरि तक कुई भि मि मा नि ऐ सकदु।”

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

रोमियों 12:6

अर वेका मुताबिक ज्वा किरपा हम पर किये गै, हमतै अलग-अलग दान-बरदान मिल्यां छिन। इलै जैतैं भविष्यबाणी करण को बरदान मिल्यूं च वु मनखि बिस्वास का मुताबिक वेको इस्तेमाल कैरो।

1 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै सोस्थिनेस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि पिता परमेस्वर का समुदाय का लोग छाँ। अर तुम जु कि यीशु मसीह पर बिस्वास करण की वजै से पवित्र किये ग्यां, अर यां खुणि ही तुमतै बुलये गै। हे मेरा दगड़्यों, मि या चिठ्‍ठी ऊं भै-बैंणो खुणि भि लिखणु छौं, जु कि अलग-अलग जगा रौनदिन, अर हमरा प्रभु यीशु मसीह का नौ तैं लिनदिन। ऊ हमरा अपणा ही लोग छिन, किलैकि ऊ पिता परमेस्वर से हमरा प्रभु यीशु मसीह को नौ लेके प्रार्थना करदिन।

1 कुरिन्थि 12:11

अर यू सब काम एक ही पवित्र आत्मा का द्‍वारा होनदिन। अर पिता परमेस्वर कै मनखि तैं क्या बरदान देण चाणु यू सब वु अपणी मनसा का मुताबिक ही करदु।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

1 कुरिन्थि 3:5

अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।

1 कुरिन्थि 4:7

क्या तुम लोग दुसरा लोगु का मुकाबला मा जादा जानकार छाँ? अर तुमरा पास इन्द्रयो क्या च जु कि तुमतै दुसरा मनखि से अलग करदु? अर जु कुछ भि तुमरा पास च उ सब कुछ पिता परमेस्वर की तरफा बटि ही मिल्यूं च। अर जब यू सब कुछ तुमतै परमेस्वर न देई त फिर तुमरा मोन इथगा जादा किलै चड़यां रौनदिन?

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।