यूहन्ना 3:25 - Garhwali

²⁵ फिर एक दिन एक यहूदी मनखि को यूहन्‍ना का चेलों का दगड़ा मा शुद्धिकरण का खातिर बहसबाजी ह्‍वे।

गढवली नयो नियम

²⁵ उख यूहन्ना का चेलों कु कै यहूदियों का अपड़ा धार्मिक रीति का अनुसार हथ धुणौं कु रिवाज छो येका बारा मा झगड़ा हवे।

यूहन्ना 3:25 ပူးပေါင်းရင်းမြစ်များ

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मरकुस 7:8

अरे तुम लोग मनखियों कि रीति-रिवाजों पर ही चलणा छाँ, अर तुमुन परमेस्वर की आज्ञाओं तैं छोड़याली।”

यूहन्ना 2:6

उख त ढुंगो का बणयां छह बड़ा-बड़ा भाँडा धरयां छा, जैमा चार-छह गागर पाणि ऐ जान्दी छै। यू त यहूदियों की रीति का मुताबिक शुद्धिकरण खुणि धरयां छा।

इब्रानी 6:2

अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

इब्रानी 9:23

हे मेरा दगड़्यों, इख जु चीज छिन वु स्वर्ग की चीजों को एक नमूना च। अर यों चीजों तैं जानबरों का ल्वे से शुद्ध करण पोड़ि, मगर यू ल्वे स्वर्ग की चीजों तैं पवित्र नि बणै सकदु किलैकि यां खुणि और भि अच्छा बलिदान की जरुरत छै।

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।