यूहन्ना 3:23 - Garhwali

²³ अर यूहन्‍ना भि शालेम नगर का नजदीक ऐनोन नौ की जगा मा बपतिस्मा देन्दु छौ। किलैकि उख बिजांम पाणि छौ, अर लोग ऐके बपतिस्मा लेन्दा छा।

गढवली नयो नियम

²³ अर यूहन्ना भि ऐनोन गौं मा जु सामरिया क्षेत्र सालेम नगर का संमणी च मा बपतिस्मा दींदु छो किलैकि उख भौत पांणी छो अर लोग ऐ के बपतिस्मा ल्यून्दा छा।

यूहन्ना 3:23 ပူးပေါင်းရင်းမြစ်များ

लूका 3:7

अर भौत जादा भीड़ ज्वा वेका पास बपतिस्मा लेणु खुणि औणी छै, वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?

यूहन्ना 3:22

येका बाद यीशु अर वेका चेला यहूदिया का मुलक मा ऐनी। अर उ उख ऊंका दगड़ा मा रै के बपतिस्मा देण लगि गै।

यूहन्ना 3:24

(अर तब तक त यूहन्‍ना तैं जेलखाना मा नि डळै गै छौ)।

दिब्य दरस 1:15

अर वेका खुटा इन चमकणा छा जन की भट्‍टी मा पक्यूं पीतळ। अर वेकी आवाज भौत पाणि की छमछयाटों की तरौं छै।

दिब्य दरस 14:2

अर फिर मिन स्वर्ग बटि एक आवाज सुणी। अर ईं आवाज मा भौत जादा पाणि को छमछयाट अर बादळों को गगड़ट छौ अर मिन कुछ इन आवाज सुणी ज्वा कि इन छै, जन कि बीणा बजौण वळा अपणी-अपणी बीणा बजौणा हो।

दिब्य दरस 19:6

फिर मिन बड़ी भीड़ की आवाज सुणी, ज्वा की तेज लैरों का जन अर बादळों की गगड़ाट की तरौं छै अर ऊंन बोलि, “हाल्‍लेलूय्याह, हमरु प्रभु परमेस्वर न जु की सर्वसक्‍तिमान च वेन राज करण शुरु कैरियाली।