यूहन्ना 3:10 - Garhwali

¹⁰ अर यीशु न वेकू बोलि, “तुम त इस्राएली लोगु का गुरु छाँ, फिर भि यों बातों तैं नि समझद्‍यां?

गढवली नयो नियम

¹⁰ यु सूंणि के यीशु ल वे तैं उत्तर दे, “तु इस्राएल का लुखुं का घराना मा एक महान शिक्षक छै त्वे तैं वास्तव मा यूं बातों तैं समझण चयणु च?

यूहन्ना 3:10 ပူးပေါင်းရင်းမြစ်များ

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

मत्ती 15:14

अरे, ऊंतैं जाण द्‍या। ऊ खुद त अन्धा छिन, अर दुसरो तैं बाटु बतौन्दिन। अगर एक अन्धु दुसरा अन्धा तैं बाटु दिखालु, त दुईया का दुई खडोळुन्द पोड़ि जाला।”

मत्ती 22:29

तब यीशु न ऊंतैं जबाब दिनी, “तुम बड़ा भरम मा छाँ, किलैकि तुम नऽ त पवित्रशास्‍त्र तैं जणद्‍यां, अर ना ही परमेस्वर की ताकत तैं।

लूका 2:46

अर तीन दिन का बाद उ ऊंतैं मन्दिर मा मिली। अर उख यीशु गुरु लोगु का दगड़ा मा बैठि के ऊंकी बातों तैं सुनणु छौ अर ऊं बटि सवाल कनु छौ।

लूका 5:17

अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै।

यूहन्ना 3:9

तब नीकोदिमुस न वे बटि बोलि, “गुरुजी, इन कनकै ह्‍वे सकदु?”

खास चेलों 5:34

मगर न्याय समिति मा गमलीएल नौ को एक मनखि खड़ु ह्‍वे, अर वेन खास चेलों तैं उख बटि भैर जाणु कू बोलि कि, “थुड़ी देर भैर मा रा” अर वु चलि गैनी। अर यू गमलीएल त एक फरीसी मनखि छौ, जु की मूसा का दियां नियम-कानूनों तैं भौत अच्छा से जणदु छौ, अर लोगु मा वेकी बड़ी इज्‍जत छै।

रोमियों 2:28

सच्‍चि बात त या च कि जौं लोगु न अपणा सरील का हिस्सा तैं काटी के खतना कर्युं च, अर फिर यहूदियों होण को पूरु दिखावा करदिन असल मा वु लोग यहूदी जाति का नि छिन।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

कुलुसी 2:11

अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।