यूहन्ना 21:22 - Garhwali

²² फिर यीशु न वेकू बोलि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब? पर तू मेरा पिछनै अऽ।”

गढवली नयो नियम

²² यीशु ल वेको बोलि, “जु मि चौं कि उ मेरा लौटण तक ज्यूँदो रौ, त त्वे तैं क्य? तु मेरू चेला बंणि रै।”

यूहन्ना 21:22 ပူးပေါင်းရင်းမြစ်များ

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

मत्ती 24:27

“किलैकि जन बिजली आसमान मा पूरब बटि निकळि के पच्छिम तक चमकदी, ठिक उन्‍नि मनखि का पुत्र को भि औण होलु।

मत्ती 24:3

अर यू सब होण का बाद जब यीशु जैतून नौ का पाड़ पर बैठयूं छौ, तब चेलों न चुपके से वे बटि पूछी, “गुरुजी, जु बात तुमुन बतैनि वु कब पूरि होलि? अर हमतै इन भि बता कि तुमरा वापस औण को अर ईं दुनियां का विणास को क्या जि चिन्‍न होलु?”

मत्ती 24:44

इलै तुम लोग भि तयार रा, किलैकि जै बगत का बारा मा तुमुन सोची भि नि होलु, वे बगत मनखि को पुत्र ऐ जालु।”

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,

मत्ती 8:22

पर यीशु न वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू मेरा पिछनै अऽ।”

मरकुस 9:1

अर यीशु न ऊंकू इन भि बोलि कि, “मि तुम से सच्‍च बोन्‍नु छौं कि जु इख खड़ा होयां छिन, ऊंमा बटि कुछ इन्द्रया भि छिन, जु की तब तक नि मुरला, जब तक की वु परमेस्वर तैं सामर्थ का दगड़ा मा राज करद देखि नि द्‍याला।”

यूहन्ना 21:19

अर पतरस कनकै मुरलु अर लोगु तैं दिखै द्‍यालु की परमेस्वर कथगा महान च, इन बिंगाणु खुणि यीशु न वेकू इन बोलि छौ। अर इन बोन्‍ना का बाद यीशु न पतरस कू बोलि, “मेरा पिछनै अऽ।”

यूहन्ना 21:21

तब वेतैं देखि के पतरस न यीशु कू बोलि, “प्रभु, ये मनखि को क्या जि होलु?”

1 कुरिन्थि 11:26

अर जब कभि भि तुम ईं रुट्‍टी तैं खन्द्‍यां या ये कटोरा मा बटि पिन्द्‍यां, अर जब तक प्रभु ऐ नि जौ, तब तक तुम वेकी मौत का बारा मा परचार कना रयां।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

याकूब 5:8

ठिक उन्‍नि तुम भि सबर रखा। अर अपणा मनों तैं मजबूत कैरा, किलैकि प्रभु को औण वळु दिन नजदीक ही च।

दिब्य दरस 1:7

देखा, यीशु बादळों का दगड़ा-दगड़ि औण वळु च, अर हरेक आंख वेतैं दिखली, अर ऊ भि वेतैं दिखला जौन वेतैं मारी छौ। अर धरती मा जथगा भि गोत्र का लोग छिन, ऊ सभ्या का सभि अपणी-अपणी छति भटकाला। हाँ, यू ही सच्‍च च। आमीन।

दिब्य दरस 2:25

बस इथगा ही बोन्‍न चान्दु कि मेरा वापस औण तक जु कुछ तुमरा पास च तुम लोग अपणा-अपणा बिस्वास मा मजबूत बणयां रा।

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।

दिब्य दरस 22:7

“तब यीशु न मिकू बोलि कि, ‘देखा, मि जल्द औण वळु छौं। धन्य च उ, जु ईं किताब मा लिखी भविष्यबाणी का वचनों तैं मणदु च।’”

दिब्य दरस 3:11

“मि भौत जल्द औण वळु छौं। जु कुछ तुमरा पास च वेतैं थामि के रखा, ताकि कुई भि तुम बटि तुमरो मुकुट नि छिनी सैको।