यूहन्ना 21:14 - Garhwali

¹⁴ अर यीशु को मुरदो मा बटि ज्यून्दु होण का बाद यू तिसरी दौं छौ, कि वेन अपणु दरसन चेलों तैं देई।

गढवली नयो नियम

¹⁴ इन तिसरी बार हवे कि यीशु मुरयां बट्टी मोरि के ज्यूंदा हूंणा का बाद चेलों तैं दिखेनि।

यूहन्ना 21:14 ပူးပေါင်းရင်းမြစ်များ

मरकुस 16:12

अर येका बाद यीशु का दुई चेला कै गौं कू जाणा छा, तब यीशु ऊं दुईयों तैं कै अलग ही रुप मा दिखै।

मरकुस 16:14

अर येका बाद जब यीशु का ग्यारा चेला खाणुक खाणु खुणि बैठयां छा, त वे बगत उ ऊंतैं दिखै। तब यीशु न ऊंका निठुर मन अर बिस्वास की कमी की वजै से ऊंतैं झिड़की, किलैकि ज्यून्द होण का बाद जौं लोगु न वेतैं देखि छौ, ऊंकी बातों पर भि यों न यकीन नि कैरी।

यूहन्ना 20:19

अर वे ही दिन याने कि इतवार की श्याम बगत यीशु का चेला एक कमरा मा छा। अर यहूदियों की डौऽर का बाना ऊंन द्‍वार बन्द कैरियाली छा, कि तबरि यीशु ऊंका बीच मा ऐके खड़ु ह्‍वे गै, अर ऊंकू बोलि, “तुमतै शान्ति मिलु।”

यूहन्ना 20:26

एक हप्‍ता का बाद यीशु का चेला फिर से घौर का भितर छा। अर अबरि दौं थोमा भि ऊंका दगड़ा मा छौ। अर घौर का द्‍वार बन्द छा, तभि भि यीशु भितर ऐ गै। अर ऊंका बीच मा खड़ु ह्‍वेके बोलि, “तुमतै शान्ति मिलु।”

यूहन्ना 21:1

अर येका बाद यीशु अपणा चेलों तैं गलील झील का छाला पर फिर से दिखै। अर वे दिन इन ह्‍वे कि:

खास चेलों 1:3

अर क्रूस को दुख झिलण का बाद भि यीशु न अपणा ज्यून्द होण का भौत सरा पक्‍का परमाण दिनी। अर उ चालीस दिनों तक अपणा खास चेलों तैं दिखै, अर वेन ऊं बटि परमेस्वर का राज का बारा मा बात भि कैरी।