यूहन्ना 20:31 - Garhwali

³¹ पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

गढवली नयो नियम

³¹ पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 20:31 ပူးပေါင်းရင်းမြစ်များ

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

मत्ती 4:3

तब शैतान जु कि भकलौण वळु च वेका पास ऐ, अर वेन यीशु कू बोलि, “अगर जु तू परमेस्वर को पुत्र छैई, त यों ढुंगो कू बोल कि रुट्‍टी बण जा।”

मरकुस 16:16

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 1:4

ताकि तुम यू जाणि जा, कि जौं बातों की शिक्षा तुमुन पै, ऊ अटल छिन।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

यूहन्ना 1:49

अर नतनएल न वेकू बोलि, “गुरुजी, तुम परमेस्वर का नौना छाँ अर तुम ही इस्राएल का राजा छाँ”

यूहन्ना 10:10

अर चोर त केवल चोरी करणु खुणि, जान से मरणु खुणि अर नास करणु खुणि ही औन्दु। पर मि त इलै अयूं छौं, कि तुमतै जीवन मिलु, अर भरपूरी से मिलु।

यूहन्ना 19:35

अर इन इलै ह्‍वे, ताकि पवित्रशास्‍त्र मा लिख्यूं वचन पूरु ह्‍वे जौ। अर वु वचन इन च कि, “वेकी कुई भि हड्‍डी तुड़ै नि जालि।” अर पवित्रशास्‍त्र का एक हैंकी जगा मा इन भि लिख्यूं च कि, “जैतैं ऊंन भालळ मारी, वु लोग वेतैं दिखला।” अर जैन यू सब होन्दु देखि, वेन ही या गवै देई अर वेकी गवै सच्‍चि च। अर उ खुद ही जणदु च, कि उ सच्‍च ही बोन्‍नु च। अर वेन या गवै इलै देई, ताकि तुम भि बिस्वास कैरा।

यूहन्ना 20:28

तब थोमा न वेकू बोलि, “मेरा प्रभु, मेरा परमेस्वर।”

यूहन्ना 3:18

“अर जु कुई भि वे पुत्र पर बिस्वास करदु, उ दोषी नि ठैरैये जालु, पर जु बिस्वास नि करदु, उ दोषी ठैरैये गै। किलैकि वेन परमेस्वर का इकलौता पुत्र पर बिस्वास नि कैरी।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

खास चेलों 10:43

अर परमेस्वर का सब रैबर्या वेकी गवै देन्दिन, कि जु कुई वे पर बिस्वास करदु ऊंका पाप वेका नौ का द्‍वारा माफ किये जाला।”

खास चेलों 3:16

अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

खास चेलों 8:36

अर बाटा मा चलद-चलद वु एक जगा मा पौंछिनी जख पाणि छौ। तब वे अधिकारी न बोलि, “देखा, इख मा पाणि च, मि बपतिस्मा ले सकदु क्या?”

खास चेलों 8:37

[अर फिलिप्पुस न वेतैं पूछी, “अगर तुम पूरा मनळ बिस्वास करद्‍यां, त तुम बपतिस्मा ले सकद्‍यां।” अर वेन जबाब दिनी, “हाँ, मि बिस्वास करदु छौं, कि यीशु मसीह ही परमेस्वर को पुत्र च।”]

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

1 यूहन्ना 4:15

अर जु कुई इन स्वीकार कैरी देन्दु, कि यीशु मसीह परमेस्वर को पुत्र च, त परमेस्वर वेमा वास करदु अर उ परमेस्वर का दगड़ा मा वास करदु।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

2 यूहन्ना 1:9

अर जु मनखि यीशु मसीह की शिक्षा मा बणयूं नि रौन्दु, बल्किन मा वेतैं छोड़ि के दूर चलि जान्दु, त वेका पास परमेस्वर नि च। पर जु मनखि वेकी शिक्षा मा बणयूं रौन्दु, वेका पास पिता अर पुत्र दुई छिन।

दिब्य दरस 2:18

अर येका बाद यीशु न मिकू इन बोलि कि, “थुआतीरा नगर मा रौण वळा बिस्वासी समुदाय का दूत खुणि इन लिख कि: “यीशु जु कि परमेस्वर को पुत्र च अर जैका आंखा आग की झौऽळ की तरौं छिन अर वेका खुटा पीतळे की तरौं चमकदार छिन उ इन बुल्दु कि: