यूहन्ना 20:19 - Garhwali

¹⁹ अर वे ही दिन याने कि इतवार की श्याम बगत यीशु का चेला एक कमरा मा छा। अर यहूदियों की डौऽर का बाना ऊंन द्‍वार बन्द कैरियाली छा, कि तबरि यीशु ऊंका बीच मा ऐके खड़ु ह्‍वे गै, अर ऊंकू बोलि, “तुमतै शान्ति मिलु।”

गढवली नयो नियम

¹⁹ वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।”

यूहन्ना 20:19 ပူးပေါင်းရင်းမြစ်များ

मत्ती 10:13

अर अगर उख कुई ये लैख होलु त शान्ति को जु आसिरबाद तुमुन ऊंतैं देई वु ऊं पर ठैरि जालु, अर अगर वु काबिल नि होलु त शान्ति को वु आसिरबाद तुमरा पास वापस ऐ जालु।

मत्ती 18:20

किलैकि जख दुई या तीन लोग मेरा नौ से इकट्‍ठा होनदिन, उख मि ऊंका बीच मा होन्दु।”

मरकुस 16:14

अर येका बाद जब यीशु का ग्यारा चेला खाणुक खाणु खुणि बैठयां छा, त वे बगत उ ऊंतैं दिखै। तब यीशु न ऊंका निठुर मन अर बिस्वास की कमी की वजै से ऊंतैं झिड़की, किलैकि ज्यून्द होण का बाद जौं लोगु न वेतैं देखि छौ, ऊंकी बातों पर भि यों न यकीन नि कैरी।

यूहन्ना 14:27

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।

यूहन्ना 16:22

इन्‍नि तुम भि अभि दुख मा छाँ, पर मि तुमतै फिर से मिललु, तब तुमरा मन मा खुशी को कुई ठिकाणु नि रालु। अर तुमरि ईं खुशी तैं कुई भि तुम बटि छिनी नि सकदु।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

यूहन्ना 20:26

एक हप्‍ता का बाद यीशु का चेला फिर से घौर का भितर छा। अर अबरि दौं थोमा भि ऊंका दगड़ा मा छौ। अर घौर का द्‍वार बन्द छा, तभि भि यीशु भितर ऐ गै। अर ऊंका बीच मा खड़ु ह्‍वेके बोलि, “तुमतै शान्ति मिलु।”

यूहन्ना 21:1

अर येका बाद यीशु अपणा चेलों तैं गलील झील का छाला पर फिर से दिखै। अर वे दिन इन ह्‍वे कि:

यूहन्ना 21:14

अर यीशु को मुरदो मा बटि ज्यून्दु होण का बाद यू तिसरी दौं छौ, कि वेन अपणु दरसन चेलों तैं देई।

यूहन्ना 7:13

पर यहूदी मुख्यों का डौऽरा बाना कुई भि वेका बारा मा खुलि के नि बोन्‍नु छौ।

खास चेलों 1:3

अर क्रूस को दुख झिलण का बाद भि यीशु न अपणा ज्यून्द होण का भौत सरा पक्‍का परमाण दिनी। अर उ चालीस दिनों तक अपणा खास चेलों तैं दिखै, अर वेन ऊं बटि परमेस्वर का राज का बारा मा बात भि कैरी।

रोमियों 15:33

मि तुम सभ्यों खुणि इन प्रार्थना करदु कि शान्ति देण वळु परमेस्वर तुम सभ्यों का दगड़ा मा रौ। आमीन।

1 कुरिन्थि 15:5

अर पतरस तैं दिखै, अर ठिक उन्‍नि दुसरा चेलों न भि यीशु तैं देखि।

इफिसुस 2:14

यीशु मसीह ही च, जु हमतै एक करदु। अर वेन ही हमरि खातिर खुद तैं दे दिनी, अर अपणी मौत का द्‍वारा वेन हम सब लोगु तैं नियम-कानूनों मा लिखीं आज्ञाओं को पालन करण से आजाद कैरियाली, अर ऊं नियमों तैं रद्‍द कैर दिनी। अर वेन ही यहूदी अर जु लोग यहूदी जाति का नि छिन, ऊंका बीच नफरत की दिवाल तैं ढौलीयालि। इलै हम यहूदी लोग तुमरा दगड़ा मा छां, तुम जु यहूदी जाति का नि छाँ वेन हमतै एकजुट कैरी, ताकि हम सब वेका दगड़ा मा मिल्यां रा।

इफिसुस 6:23

अर मि इन प्रार्थना करदु, कि पिता परमेस्वर अर प्रभु यीशु मसीह की तरफा बटि तुमतै शान्ति मिलु। अर तुम सब एक-दुसरा से प्यार करण मा अर बिस्वास मा हरेक दिन बढदी जा।

फिलिप्पी 1:2

अर हम इन प्रार्थना करद्‍यां कि, हमरा पिता परमेस्वर अर प्रभु यीशु मसीह की तरफा बटि वेकी किरपा अर शान्ति तुमतै मिलदी रौ।

2 थिस्सलुनीकी 3:16

अब हम इन प्रार्थना करद्‍यां, कि शान्ति देण वळु प्रभु हरेक बात मा तुमतै शान्ति द्‍यो अर तुमरा दगड़ा मा रौ।

3 यूहन्ना 1:14

बल्किन मा मितैं इन उम्मीद च कि मि भौत जल्द त्वेसे मिललु, अर तब अमणि-समणि बात होलि।

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।