यूहन्ना 20:1 - Garhwali

¹ तब हप्‍ता का पैला दिन याने कि इतवार रात खुलण से पैलि ही मगदला गौं की मरियम यीशु की कबर पर ऐ। अर वींन देखि की कबर का मुख पर जु डांग छौ, उ हटयुं च।

गढवली नयो नियम

¹ इतवार की सुबेर मा मरियम जु मगदल गौं की छै सुबेर अंधेरो ही छो कब्र मा ऐ, अर ढुंगा तैं कब्र का प्रवेश द्वार बट्टी वीं ल हटियूं देखि।

यूहन्ना 20:1 ပူးပေါင်းရင်းမြစ်များ

मत्ती 27:56

अर ऊं जनानियों मा बटि एक मगदला गौं की मरियम, याकूब अर यूसुफ की माँ मरियम, अर जबदी की घरवळी भि छै।

मत्ती 27:60

अर वेन यीशु की लांश तैं कबर मा रखी दिनी, अर ईं कबर का मुख पर वेन एक बड़ु डांग लगै दिनी। अर या एक नई कबर छै ज्वा कि वेन पाड़ पर खुदवै के अफ खुणि बणवईं छै।

मत्ती 27:64

इलै तुम तीन दिन तक वेकी कबर पर पैरा देणु खुणि आज्ञा दे द्‍या, कखि इन नि हो कि वेका चेला ऐके वेकी लांश तैं चुरै के लि जा, अर लोगु मा जैके बोला कि, ‘यीशु मुरदो मा बटि ज्यून्दु ह्‍वे गै।’ श्रीमान, अगर जु इन ह्‍वे जालु, त या झूठ्‍ठी बात पैले की झूठ्‍ठी बातों से और भि जादा फैली जालि, अर हालत जादा खराब ह्‍वे जाला।”

मत्ती 27:66

तब वु उख बटि गैनी, अर कबर पर मोर लगै के पैरादारों तैं पैरा देणु खुणि उख बैठे दिनी।

मत्ती 28:1

अर जब सब्त को दिन बीती गै, त हप्‍ता का पैला दिन याने कि इतवार रात खुलण से पैलि ही मगदला गौं की मरियम अर दुसरि मरियम कबर पर दिखणु कू ऐनी।

मत्ती 28:2

अर सुणा, अचानक एक बड़ु भ्वींचळु ऐ, किलैकि प्रभु को एक दूत स्वर्ग बटि ऐ, अर वेन ऐके कबर का मुख पर रख्यां बड़ा डांग तैं हटै दिनी, अर वेमा पर बैठि गै।

मरकुस 15:46

तब यूसुफ न मखमल को एक चदरो खरीदी, अर यीशु की लांश तैं क्रूस बटि उतरवै के चदरा मा लपेटि। अर उख चटान तैं खोदी के एक कबर बणईं छै, तब वेन लांश तैं उख रख दिनी, अर कबर का मुख पर एक बड़ु डांग रड़के के लगै।

मरकुस 16:9

हप्‍ता का पैला दिन सुबेर होन्दी यीशु मुरदो मा बटि ज्यून्द होण पर सबसे पैलि मगदला गौं की मरियम तैं दिखै, अर या वा ही जनानि च जिं मा बटि यीशु न सात खबेसों तैं निकाळि छौ।

यूहन्ना 11:38

तब यीशु फिर से मन मा भौत उदास ह्‍वे अर कबर पर गै। अर वा कबर एक उड़्यार छै, अर वेका मुखा समणि एक डांग लग्यूं छौ।

यूहन्ना 11:41

फिर ऊंन वे डांग तैं एक तरफा फरके दिनी। तब यीशु न नजर उठे के स्वर्ग जनै देखि अर बोलि, “हे पिता, मि तुमरो धन्यवाद करदु छौं, कि तुमुन मेरी सुण्यालि।

यूहन्ना 19:25

अर वे बगत यीशु का क्रूस का नजदीक वेकी माँ, वेकी मौसि, अर क्लोपास की घरवळी मरियम अर मगदला गौं की मरियम खड़ि होईं छै।

यूहन्ना 20:26

एक हप्‍ता का बाद यीशु का चेला फिर से घौर का भितर छा। अर अबरि दौं थोमा भि ऊंका दगड़ा मा छौ। अर घौर का द्‍वार बन्द छा, तभि भि यीशु भितर ऐ गै। अर ऊंका बीच मा खड़ु ह्‍वेके बोलि, “तुमतै शान्ति मिलु।”

खास चेलों 20:7

अर जब हम त्रोआस नगर मा छा, त हप्‍ता का पैला दिन पर इन ह्‍वे कि हम बिस्वासी लोगु का दगड़ा मा प्रभु-भोज खुणि इकट्‍ठा होयां छा। अर पौलुस लोगु तैं उपदेस देण लगि गै किलैकि दुसरा दिन वेतैं उख बटि जाण छौ, इलै अधि राति तक उ उपदेस देणु रै।

1 कुरिन्थि 16:2

तुम लोग हरेक इतवार खुणि अपणी-अपणी कमै का मुताबिक कुछ अलग कैरिके रख्यां। अर ये दान तैं समाळि के रख्यां, ताकि जब मि उख औंऽऽ, त तुमतै दान जमा करण की जरुरत नि पोड़ो।

दिब्य दरस 1:10

अर प्रभु की भक्‍ति का दिन मा एक बार मि पवित्र आत्मा की ताकतळ भरपूर ह्‍वे ग्यों। अर मिन अपणा पिछनै एक बिगुले की तेज आवाज सुणी,