यूहन्ना 2:22 - Garhwali

²² इलै जब यीशु मुरदो मा बटि ज्यून्द ह्‍वे तब वेका चेलों तैं यू सब याद ऐ। अर ऊंन पवित्रशास्‍त्र अर यीशु मसीह का द्‍वारा बुलयां वचन पर बिस्वास कैरी।

गढवली नयो नियम

²² इलै जब यीशु मुर्दों म बट्टी ज्यूँदो हवे त वेका चेलों तैं याद आई कि वेल यु बोलि छो अर ऊंल परमेश्वर का वचन जु मसीह का पुनरुत्थान का बारा मा बतौंणु छो विश्वास कैरी।

यूहन्ना 2:22 ပူးပေါင်းရင်းမြစ်များ

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 12:16

अर वेका चेला पैलि त यों बातों तैं नि समझिनी, पर जब ऊंन यीशु को बड़ु आदर-सम्मान होण देखि, तब ऊंतैं याद ऐ कि यू बात वेका बारा मा ही लिखीं छै, अर लोगु न भि वेका दगड़ा मा उन्‍नि कैरी।

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

यूहन्ना 16:4

अर यू बात मिन तुमतै इलै बतैनि, ताकि जब उ बगत आलु त तुमतै याद ऐ जौ, कि मिन यू सब पैलि ही तुमतै बतैयालि छौ। अर मिन यू बात शुरु बटि इलै नि बतैनि, किलैकि मि तुमरा दगड़ा मा छौ।”

यूहन्ना 2:11

अर यीशु न गलील का काना गौं मा अपणु पैलु चमत्कार कैरिके अपणी महानता दिखै। अर वेका चेलों न वे पर बिस्वास कैरी।

यूहन्ना 2:17

तब पवित्रशास्‍त्र मा जु लिख्यूं च उ वेका चेलों तैं याद ऐ, कि “तेरा घौर की धुन का कारण मेरु नास किये जालु।”

यूहन्ना 2:2

यीशु अर वेका चेला भि वे ब्यौ मा न्यूत्यां छा।

खास चेलों 11:16

तब मितैं प्रभु को वु वचन याद ऐ जन कि बुले गै छौ कि, ‘यूहन्‍ना न त पाणिळ बपतिस्मा दिनी, मगर तुम पवित्र आत्मळ बपतिस्मा पैल्या।’

खास चेलों 13:33

अर परमेस्वर न यीशु मसीह तैं मुरदो मा बटि ज्यून्दु कैरिके वे करार तैं हम खुणि पूरु कैरी, हम जु की वेकी औलाद छां। अर जन कि राजा दाऊद न अपणा भजन संहिता का दुसरा हिस्सा मा बोलि कि, “‘तू मेरु पुत्र छैई, अर आज से मि तेरु पिता छौं।’