यूहन्ना 2:21 - Garhwali

²¹ पर उ त अपणा सरील रुपी मन्दिर का बारा मा ऊंतैं बतौणु छौ।

गढवली नयो नियम

²¹ पर यीशु जै मन्दिर का बारा मा बुल्णु छो उ देह च।

यूहन्ना 2:21 ပူးပေါင်းရင်းမြစ်များ

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 2:22

इलै जब यीशु मुरदो मा बटि ज्यून्द ह्‍वे तब वेका चेलों तैं यू सब याद ऐ। अर ऊंन पवित्रशास्‍त्र अर यीशु मसीह का द्‍वारा बुलयां वचन पर बिस्वास कैरी।

1 कुरिन्थि 3:16

क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

2 कुरिन्थि 6:16

अर मनखि खुद परमेस्वर को मन्दिर च, किलैकि ज्यून्द परमेस्वर अपणी पवित्र आत्मा का द्‍वारा हम मा रौन्दु, इलै मूरतों का दगड़ा मा परमेस्वर का मन्दिर को कुई रिश्ता नि च। अर जन कि पवित्रशास्‍त्र मा भि लिख्यूं च की परमेस्वर इन बुल्दु कि, “मि ऊंमा रौलु, अर ऊंका दगड़ा मा चललु, अर मि ऊंको परमेस्वर होलु, अर ऊ मेरा लोग होला।”

कुलुसी 1:19

किलैकि पिता परमेस्वर तैं यू ही अच्छु लगि, कि वेकी पूरि भरपूरी यीशु मसीह मा ही हो।

कुलुसी 2:9

इलै हे मेरा भै-बैंणो, यीशु मसीह का मुताबिक जीवन जीण से तुम लोग भि आत्मिक रुप से भरपूर ह्‍वे ग्यां। हाँ, जु कि सब किसम की ताकत अर अधिकारो को मुखिया च, किलैकि पिता परमेस्वर की पूरि भरपूरी यीशु मसीह मा ही च।

इब्रानी 8:2

अर वीं पवित्र जगा मा उ महा पुरोहित बणि के पिता परमेस्वर की सच्‍चि सेवा कनु च। अर यू वे तम्बू का जन नि च जख पुरोहित लोग पैलि सेवा करदा छा, किलैकि वेतैं लोगु का द्‍वारा बणयै गै मगर जख यीशु मसीह च वीं जगा तैं स्वर्ग मा खुद पिता परमेस्वर न बणै।