यूहन्ना 2:2 - Garhwali

² यीशु अर वेका चेला भि वे ब्यौ मा न्यूत्यां छा।

गढवली नयो नियम

² अर यीशु अर वेका चेला भि वे ब्यो मा बुलै गै छा।

यूहन्ना 2:2 ပူးပေါင်းရင်းမြစ်များ

मत्ती 12:19

अर वु न त कै का दगड़ा मा झगड़ा करलु, अर वु कै खुणि भि चिल्‍लै के नि बुललु, अर ना ही वेकी आवाज सड़कों मा सुण्यालि।

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

मत्ती 25:45

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु लोग मि पर बिस्वास करदिन ऊंमा बटि कै एक का दगड़ा मा भलै का काम तुमुन नि करिनी। हाँ, ऊंका दगड़ा मा ही जौं तैं लोग कुछ नि समझदिन, इलै सुणा, भलै का वु काम तुमुन मेरा दगड़ा मा भि नि करिनी।’

यूहन्ना 2:12

येका बाद यीशु अपणी माँ, भैयों अर चेलों का दगड़ा मा कफरनहूम नगर गै। अर उख ऊ कुछ ही दिन रैनी।

यूहन्ना 2:17

तब पवित्रशास्‍त्र मा जु लिख्यूं च उ वेका चेलों तैं याद ऐ, कि “तेरा घौर की धुन का कारण मेरु नास किये जालु।”

यूहन्ना 2:22

इलै जब यीशु मुरदो मा बटि ज्यून्द ह्‍वे तब वेका चेलों तैं यू सब याद ऐ। अर ऊंन पवित्रशास्‍त्र अर यीशु मसीह का द्‍वारा बुलयां वचन पर बिस्वास कैरी।

यूहन्ना 2:3

अर जब अंगूरों को रस कम ह्‍वे गै, त यीशु की माँ न वेकू बोलि कि, “ऊंका पास अंगूरों को रस खतम ह्‍वे गै।”

यूहन्ना 3:22

येका बाद यीशु अर वेका चेला यहूदिया का मुलक मा ऐनी। अर उ उख ऊंका दगड़ा मा रै के बपतिस्मा देण लगि गै।

यूहन्ना 4:2

(जब कि यीशु खुद त बपतिस्मा नि देणु छौ, बल्किन वेका चेला देन्दा छा)।

यूहन्ना 4:33

अर चेला आपस मा पूछण लगि गैनी, “अरे, क्या कुई गुरुजी खुणि कुछ खाणु भि लेके ऐ?”

यूहन्ना 4:8

अर यीशु का चेला नगर मा खाणु को समान मोल लेणु कू ग्यां छा।

यूहन्ना 6:12

जब ऊ खै के छक ह्‍वे गैनी, तब यीशु न अपणा चेलों कू बोलि, “बच्यां टुकड़ों तैं बटोळि ल्या कि कुछ भि बेकार नि जौ।”

यूहन्ना 6:16

जब रुमुक पोड़ि गै, त यीशु का चेला झील का छाला पर गैनी।

यूहन्ना 6:60

अर यीशु की बातों तैं सुणी के वेका पिछनै चलण वळा भौत सरा लोगु न बोलि, “यों बातों पर चलण त बड़ु कठिन च, यों तैं कु स्वीकार कैरी सकदु?”

यूहन्ना 6:66

अर ईं बात का बाना वेका पिछनै चलण वळो मा बटि भौत सरा वापिस लौटी गैनी, अर वेका बाद ऊ फिर कभि वेका पिछनै नि गैनी।

यूहन्ना 6:67

तब यीशु न अपणा बारह चेलों बटि पूछी, “क्या तुम भि वापस जाण चन्द्‍यां?”

यूहन्ना 6:70

तब यीशु न ऊंतैं जबाब देई, “क्या मिन तुम बारह तैं नि चुणी? तभि भि तुम मा बटि एक मनखि शैतान च।”

यूहन्ना 6:71

यू वेन शमौन इस्करियोती का नौना यहूदा का बारा मा बोलि। किलैकि उई ऊं बारहों मदि एक छौ, जु की यीशु तैं पकड़ौण वळु छौ।

यूहन्ना 6:8

तबरि शमौन पतरस को भै अन्द्रियास जु कि चेलों मदि एक छौ, वेन यीशु कू बोलि,

यूहन्ना 7:3

इलै यीशु का भैयों न वेकू बोलि, “तू इख बटि निकळि के यहूदिया का मुलक मा चलि जा। किलैकि जु चमत्कारिक कामों तैं तू करदी, ऊंतैं तेरा पिछनै चलण वळा भि देखि सैका।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

1 कुरिन्थि 7:39

हे मेरा भै-बैंणो, एक जनानि अपणा पति का दगड़ा ब्यौ का रिश्ता मा तब तक जुड़ी रौन्दी जब तक उ ज्यून्द च। अर अगर वींका पति की मौत ह्‍वे जौ, त वा फिर आजाद च अर जैका दगड़ा मा चौ ब्यौ कैरी सकदी, मगर उ मनखि प्रभु यीशु पर बिस्वास करण वळु हो।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

दिब्य दरस 3:20

देखा, मि द्‍वार पर खड़ु ह्‍वेके खखटाणु छौं, अगर कुई मेरी आवाज सुणी के द्‍वार तैं खोली द्‍यालु, त मि भितर औलु तब हम दगड़ा मा खाणुक खौला।