यूहन्ना 19:6 - Garhwali

⁶ अर जन्‍नि मुख्य पुरोहितों न अर मन्दिर का पैरादारों न यीशु तैं देखि, ऊ चिल्‍लै-चिल्‍लै के बुलण लगि गैनी, “वेतैं क्रूस पर चड़ै द्‍या, वेतैं क्रूस पर चड़ै द्‍या।” पर पिलातुस न ऊंकू बोलि, “तुम ही येतैं लि जा, अर क्रूस पर चड़ा किलैकि मितैं वेमा कुई दोष नि दिखेन्दु।”

गढवली नयो नियम

⁶ जब प्रधान याजक ल अर मन्दिर का रखवला ल यीशु तैं देखि त चिल्लै कै बोलि, “वे तैं सूली पर चड़ौ सूली पर” पिलातुस न ऊं लुखुं मा बोलि “तुम ही वे तैं सूली पर चड़ा किलैकि मि त वे पर कुई भंगार नि पांणु छौं।”

यूहन्ना 19:6 ပူးပေါင်းရင်းမြစ်များ

मत्ती 26:58

पर पतरस काफी दूर ह्‍वेके यीशु का पिछनै-पिछनै महा पुरोहित का चौक तक पौंछी गै। अर भितर जैके पैरादारों का दगड़ा मा बैठि गै, ताकि देखो कि अगनै क्या जि होलु।

मत्ती 27:22

अर वेन ऊंकू बोलि, “त फिर मि यीशु का दगड़ा क्या कैरुं, जैकू मसीह बुले जान्दु?” तब ऊं सभ्यों न बोलि, “वेतैं क्रूस पर चड़ै द्‍या, वेतैं क्रूस पर चड़ै द्‍या।”

मत्ती 27:24

जब पिलातुस न देखि कि कुई फैदा नि होणु, बल्किन मा हल्‍ला और भि जादा होणु च, त वेन पाणि ले अर भीड़ का समणि अपणा हाथ ध्वेके बोलि, “ये निरदोष मनखि का ल्वे मा मेरु कुई हाथ नि च येका बारा मा तुम ही जाणा।”

लूका 23:4

अर पिलातुस न मुख्य पुरोहितों अर ऊं लोगु कू बोलि, “मितैं नि लगदु कि यू मनखि दोषी च।”

यूहन्ना 18:3

तब यहूदा, रोमी सिपयों को एक दल तैं, अर मुख्य पुरोहितों अर फरीसी दल का लोगु की तरफा बटि भेज्यां मन्दिर का पैरादारों तैं लेके ऐ। अर ऊंका हाथों मा लालटेन, मसाल अर हथियार भि छा।

यूहन्ना 18:31

तब पिलातुस न ऊंकू बोलि, “तुम येतैं लि जा, अर अपणा नियम-कानूनों का मुताबिक येको न्याय कैरा।” यां पर यहूदी मुख्यों न वेकू बोलि, “हम मा यू अधिकार नि च कि कैतैं भि मौत की सजा दे सैका।”

यूहन्ना 18:38

तब पिलातुस न वे बटि पूछी, “वा सच्‍चै क्या च?” अर इन बोन्‍न का बाद पिलातुस फिर से यहूदियों का मुख्यों का पास भैर ऐ, अर ऊंकू बोलि, “मिन त वे मनखि मा कुई भि खोट नि पै।

यूहन्ना 19:15

पर ऊ चिलाण लगि गैनी, “वेतैं लि जा, वेतैं लि जा, वेतैं क्रूस पर चड़ै द्‍या।” पिलातुस न ऊंकू बोलि, “त क्या मि तुमरा राजा तैं क्रूस पर चड़ै द्‍यूं?” तब मुख्य पुरोहितों न जबाब देई, “महाराजा का अलावा हमरु कुई दुसरो राजा नि च।”

यूहन्ना 19:4

तब पिलातुस फिर से भैर ऐ अर ऊंकू बोलि, “देखा, मि वेतैं तुमरा समणि भैर लेके औणु छौं ताकि तुमतै मालूम ह्‍वे जौ, कि मिन वेमा कुई भि दोष नि पै।”

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।