यूहन्ना 19:35 - Garhwali

^35-37 अर इन इलै ह्‍वे, ताकि पवित्रशास्‍त्र मा लिख्यूं वचन पूरु ह्‍वे जौ। अर वु वचन इन च कि, “वेकी कुई भि हड्‍डी तुड़ै नि जालि।” अर पवित्रशास्‍त्र का एक हैंकी जगा मा इन भि लिख्यूं च कि, “जैतैं ऊंन भालळ मारी, वु लोग वेतैं दिखला।” अर जैन यू सब होन्दु देखि, वेन ही या गवै देई अर वेकी गवै सच्‍चि च। अर उ खुद ही जणदु च, कि उ सच्‍च ही बोन्‍नु च। अर वेन या गवै इलै देई, ताकि तुम भि बिस्वास कैरा।

गढवली नयो नियम

³⁵ जै आदिम ल यु सब देखि, वेल गव्है दींनि, कि तुम भि यीशु पर विश्वास कैर सका अर वेकी गव्है सच हो। अर उ जंणदु च कि उ सचै बट्टी बुल्दो की तुम विश्वास कैरा।

यूहन्ना 19:35 ပူးပေါင်းရင်းမြစ်များ

यूहन्ना 11:15

पर मि त तुमरा खातिर बड़ु ही आनन्दित छौं, कि मि उबरि उख नि छौ। अर या बात तुमरा फैदा की च, ताकि तुम बिस्वास कैरी सैका। चला, अब हम वेका पास चलद्‍यां।”

यूहन्ना 11:42

अर मि जणदु छौं, कि तुम सदनि मेरी सुणद्‍यां। फिर भि जु लोग इख चौतरफि खड़ा छिन, ऊंका बानो मिन इन बोलि। ताकि यू बिस्वास कैरा, कि तुमुन ही मितैं भेजि च।”

यूहन्ना 14:29

“अर यू सब होण से पैलि ही मिन तुमतै बतैयालि, ताकि जब यू सब ह्‍वे जौ तब तुम बिस्वास कैरी सैका।

यूहन्ना 15:27

अर तुम भि मेरी गवै दिल्या, किलैकि तुम शुरु बटि ही मेरा दगड़ा मा छाँ।”

यूहन्ना 19:26

जब यीशु न अपणी माँ अर अपणा प्रिय चेला तैं उख खड़ु होयुं देखि, तब वेन अपणी माँ खुणि बोलि, “माँ, देख आज बटि यू तेरु नौनु च।”

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 21:24

अर यू उई चेला च, जु की यों बातों की गवै देन्दु, अर जैन यू सब बात भि लिखिनी। अर हम जणदा छां, कि वेकी गवै सच्‍चि च।

खास चेलों 10:39

अर जु काम यीशु न यहूदी लोगु का देस मा अर यरूशलेम नगर मा करिनी, ऊं सब कामों का गवा हम छां। अर लोगु न वेतैं क्रूस पर मरवै दिनी,

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

1 यूहन्ना 5:13

हे मेरा प्यारा भै-बैंणो, तुम लोग जु परमेस्वर का पुत्र पर बिस्वास करद्‍यां, मि तुम खुणि या बात इलै लिखणु छौं, ताकि तुम जाणि जा कि तुमरा पास सदनि को जीवन च।

3 यूहन्ना 1:12

अर सब लोग दिमेत्रियुस भै की तारीफ करदिन, अर उ परमेस्वर की सच्‍चै का मुताबिक ही अपणा जीवन तैं चलौन्दु। अर मि भि ईं बात को गवा छौ अर तू जणदी छै कि मेरी गवै सच्‍चि च।