यूहन्ना 19:28 - Garhwali

²⁸ येका बाद यीशु यू जाणि गै, कि वेको काम पूरु ह्‍वे गै। अर जन पवित्रशास्‍त्र मा लिख्यूं च, उ भि पूरु ह्‍वे जौ इलै वेन बोलि, “मितैं तिस लगि।”

गढवली नयो नियम

²⁸ यांका बाद यीशु ल यु जांणि के की अब वेल अपड़ो सैरो काम खत्म कैरी येले इलै कि परमेश्वर का वचन मा लिखीं बात सच साबित हो, यीशु ल बोलि, “मि तिसलो छौं।”

यूहन्ना 19:28 ပူးပေါင်းရင်းမြစ်များ

लूका 12:50

अर मिन एक बपतिस्मा लेण, अर जबरि तक यू बपतिस्मा नि ले ल्यूं तबरि तक मिन इन्‍नि बेचैनी मा ही रौण?

लूका 18:31

फिर यीशु न अपणा बारह चेलों तैं अलग मा लि जैके बोलि, “सुणा, हम लोग यरूशलेम नगर जाणा छां, अर जु-जु बात मनखि का पुत्र का बारा मा परमेस्वर का रैबर्यों की लिखीं छिन, वु सब पूरि होलि।

लूका 22:37

अर यू मि तुम मा इलै बोन्‍नु छौं, किलैकि यू जरुरी च कि पवित्रशास्‍त्र की वा बात पूरि हो, ज्वा की मेरा बारा मा लिखीं च, “‘उ अपराधियों का दगड़ा मा गिणै जालु।’ “हाँ, मेरा बारा मा लिखीं या बात पूरि होण वळी च।”

लूका 9:31

अर यू सब स्वर्गीय तेज मा दिखै दिनी, अर वु यीशु की मौत की बात कना छा, जु कि यरूशलेम नगर मा पूरि होण वळी छै।

यूहन्ना 13:1

अर फसह का त्योवार से पैलि यीशु जाणि गै, कि दुनियां तैं छोड़ि के पिता का पास चलि जाणु को बगत नजदीक ऐ गै। तब वेन जु वेका दगड़ा मा रौन्दा छा, ऊंतैं जन प्यार उ पैलि करदु छौ, उन्‍नि प्यार उ आखिरी का दिन तक कनु रै।

यूहन्ना 17:4

अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

यूहन्ना 18:4

तब यीशु ऊं सब बातों तैं जाणि गै, कि वेका दगड़ा मा क्या-क्या होण वळु च। इलै उ अगनै ऐ अर ऊंकू बोलि, “तुम कैतैं खुज्याणा छाँ?”

यूहन्ना 19:24

इलै ऊंन आपस मा बोलि, “हम येतैं नि चिरद्‍या पर पांसा डालि के दिखद्‍यां, कि यू कै को जि होन्दु।” अर सिपयों न उन्‍नि कैरी। अर यू त इलै ह्‍वे, ताकि पवित्रशास्‍त्र की लिखीं बात पूरि ह्‍वे जौ। अर वा इन च, कि “ऊंन मेरा कपड़ा आपस मा बांटि दिनी, अर मेरा कुरता खुणि पांसा डालि।”

यूहन्ना 19:30

तब यीशु न वे सिरका तैं चुसी के बोलि, “पूरु ह्‍वे गै।” अर मुण्ड़ झुकै के वेन अपणा पराण छोड़ि दिनी।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

खास चेलों 13:29

“अर जब यीशु का बारा मा लिखीं सब बात पूरि ह्‍वे गैनी, त ऊं लोगु न ही वेतैं क्रूस बटि उतारि के एक कबर मा रखी दिनी।