यूहन्ना 19:26 - Garhwali

²⁶ जब यीशु न अपणी माँ अर अपणा प्रिय चेला तैं उख खड़ु होयुं देखि, तब वेन अपणी माँ खुणि बोलि, “माँ, देख आज बटि यू तेरु नौनु च।”

गढवली नयो नियम

²⁶ जब यीशु ल अपड़ी ब्वे अर वे चेला तैं जै बट्टी उ प्रेम रखदु छो संमणी खड़ो देखि त ऊंल अपड़ी ब्वे कु बोलि, “हे नारी देख यु तेरु नौंनो।”

यूहन्ना 19:26 ပူးပေါင်းရင်းမြစ်များ

यूहन्ना 13:23

अर चेलों मा बटि यीशु जैतैं भौत जादा प्यार करदु छौ, उ यीशु की काखे तरफा झुकि के बैठयूं छौ।

यूहन्ना 2:4

तब यीशु न वींकू बोलि, “हे माँ, मिकू अभि नि बोला की मिन क्या करण, किलैकि अभि मेरु बगत नि ऐ।”

यूहन्ना 20:2

इलै वा भागी के शमौन पतरस अर यीशु का दुसरा चेला जै बटि यीशु जादा प्यार करदु छौ, ऊंका पास गै अर ऊंकू बोलि, “ऊ लोग प्रभु तैं कबर बटि निकाळि के लि गैनी। अर हमतै यू मालूम नि च, कि ऊंन वेतैं कख रखी।”

यूहन्ना 21:20

तब पतरस न पिछनै मुड़ि के वे चेला तैं औन्द देखि, जैतैं यीशु जादा प्यार करदु छौ, अर जैन खाणु खाणा दौं यीशु की काखे तरफा झुकि के वेतैं पूछी छौ, “प्रभु तुमतै धोखा से पकड़ौण वळु कु च?”

यूहन्ना 21:24

अर यू उई चेला च, जु की यों बातों की गवै देन्दु, अर जैन यू सब बात भि लिखिनी। अर हम जणदा छां, कि वेकी गवै सच्‍चि च।

यूहन्ना 21:7

अर जै चेला बटि यीशु जादा प्यार करदु छौ, वेन पतरस कू बोलि, “अरे, यू त प्रभु छिन,” अर जन्‍नि शमौन पतरस न या बात सुणी कि, “यू त प्रभु छिन,” उन्‍नि वेन यीशु तैं मिलणु कू अपणा कपड़ा पैरिनी (किलैकि वेका पूरा कपड़ा नि पैरयां छा), अर झील मा फाल मारी दिनी।