यूहन्ना 18:37 - Garhwali

³⁷ तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

गढवली नयो नियम

³⁷ पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”

यूहन्ना 18:37 ပူးပေါင်းရင်းမြစ်များ

मत्ती 26:64

अर यीशु न बोलि, “तुमुन अफि बोलियालि। फिर भि मि तुम लोगु बटि बोन्‍नु छौं, अब बटि तुम मनखि का पुत्र तैं सबसे महान परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मत्ती 27:11

अर जब यीशु तैं रोमी गवर्नर पिलातुस का समणि लये गै, त वेन वेसे पूछी, “क्या तू यहूदियों को राजा छैई?” यीशु न वेतैं जबाब दिनी, “तुम अफि बोन्‍ना छाँ।”

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मरकुस 15:2

तब पिलातुस न यीशु बटि पूछी, “क्या तू यहूदियों को राजा छैई?” वेन वेकू बोलि, “तुम अफि बोन्‍ना छाँ”

लूका 22:70

अर या बात सुणी के ऊं सभ्यों न बोलि, “त क्या तू परमेस्वर को पुत्र छैई?” यीशु न ऊंकू बोलि, “तुम खुद ही बोन्‍ना छाँ कि, मि छौं।”

लूका 23:3

तब पिलातुस न यीशु बटि पूछी, “क्या तू यहूदियों को राजा छैई?” वेन वेकू बोलि, “तुम अफि बोन्‍ना छाँ”

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 3:32

अर जु कुछ भि वेन देखि अर सुणी च, वेका बारा मा उ गवै देन्दु, पर कुई भि वेकी गवै तैं स्वीकार नि करदु।

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

यूहन्ना 8:14

फिर यीशु न ऊंतैं जबाब देई, “हालांकि मि अपणी गवै अफि देन्दु छौं, फिर भि मेरी गवै सच्‍चि च, किलैकि मि जणदु छौं, कि मि कख बटि अयूं अर कख कू जाणु छौं। पर तुम नि जणद्‍यां की मि कख बटि अयूं अर कख कू जाणु छौं।

यूहन्ना 8:45

पर मि जु तुम बटि सच्‍च बोन्‍नु छौं, इलै तुम मि पर बिस्वास नि करद्‍यां।

यूहन्ना 8:46

तुम मा बटि इन कु च जु मितैं पापि ठैरै सकदु? मि जु सच्‍च बोन्‍नु छौं, त तुम मेरु बिस्वास किलै नि करद्‍यां?

यूहन्ना 8:47

जु परमेस्वर का छिन, ऊ परमेस्वर का वचनों तैं सुणदिन, पर तुम परमेस्वर का नि छाँ इलै तुम नि सुणद्‍यां।”

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 यूहन्ना 2:21

अर मेरा लिखण को मकसद यू नि च, कि तुम सच्‍चै तैं नि जणद्‍यां। अरे, तुम त सच्‍चै तैं जणदा छाँ अर कुई भि झूठ्‍ठी बात सच्‍च बटि पैदा नि होन्दी।

1 यूहन्ना 3:14

हम जणदा छां कि हमुन मौत तैं पार कैरिके जीवन पयेलि, अर या बात हम इलै जणद्‍यां किलैकि हम लोग एक-दुसरा से प्यार करद्‍यां। अर जु मनखि एक-दुसरा बटि प्यार नि करदु, त उ ईं बात तैं जाणि ल्यो कि उ मुरयूं च।

1 यूहन्ना 3:19

अर जब हम एक-दुसरा बटि प्यार करद्‍यां, त हमतै इन पता चलदु कि हम पिता परमेस्वर का छा, जु कि सच्‍चु च। इलै हम वेका समणि हिम्मतळ खड़ा होला।

1 यूहन्ना 4:6

मगर हम परमेस्वर का छां, अर जु परमेस्वर तैं जणदु उ हमरि बातों तैं मणदु। अर जु मनखि परमेस्वर तैं नि जणदु, उ हमरि बात तैं भि नि मणदु। अर इनकै हम लोग सच्‍चै का आत्मा तैं, अर वे भरमौण वळा आत्मा तैं पछ्याण सकद्‍यां।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

दिब्य दरस 1:4

आसिया मुलक मा रौण वळा सात बिस्वासी समुदाय का नौ खुणि इन लिख कि: वे पिता परमेस्वर की तरफा बटि जु कि पैलि बटि छौ, आज भि च अर उई च जु कि औण वळु च, अर ऊं सात आत्माओं की तरफा बटि जु कि वेकी राजगद्‍दी का समणि छिन, तुम पर ऊंकी किरपा अर दया होणी रौ।

दिब्य दरस 3:14

यीशु न मिकू इन भि बोलि कि, “लौदीकिया नगर मा रौण वळा बिस्वासी समुदाय का दूत खुणि इन लिख कि: “यीशु जु कि आमीन अर वफादार अर सच्‍चु गवा च, अर जैका द्‍वारा पिता परमेस्वर न सब कुछ बणै उ इन बुल्दु कि: