यूहन्ना 18:26 - Garhwali

²⁶ अर महा पुरोहितों का नौकरों मा बटि एक उख छौ, अर यू वे नौकर को रिश्तेदार छौ, जैको कन्दूड़ पतरस न उड़ेयेलि छौ। तब ये नौकर न पतरस कू बोलि, “क्या मिन त्वेतै वेका दगड़ा बगिचा मा नि देखि छौ?”

गढवली नयो नियम

²⁶ महायाजक का नौकरों मा बट्टी एक ल जु वेका कुटुंब बट्टी छो जैकु कंदूड़ पतरस ल काटि छो वेल बोलि, “क्य मिल त्वे तैं यीशु दगड़ा सगोड़ा मा नि देखि छो?”

यूहन्ना 18:26 ပူးပေါင်းရင်းမြစ်များ

मत्ती 26:73

अर कुछ देर बाद आस-पास खड़ा होयां लोगु न पतरस का पास ऐके बोलि, “सच्‍चि मा तेरा बोन्‍न का तरीका से साफ पता चलणु च, कि तू भि गलील मुलक को छैई, अर ऊं मदि एक छैई।”

लूका 22:58

अर कुछ देर बाद एक हैंका मनखि न भि वेतैं देखि के बोलि, “तू भि त ऊंमा बटि ही एक छैई।” पर पतरस न बोलि, “ना, ना भैजी, मि नि छौं।”

यूहन्ना 18:1

अर इन प्रार्थना करण का बाद यीशु अपणा चेलों का दगड़ा मा किद्रोन नौ का एक गदेरा तैं पार कैरिके दुसरि तरफा गै। उख एक बगिचा छौ अर यीशु अर वेका चेला वे बगिचा मा गैनी।

यूहन्ना 18:10

तब शमौन पतरस मा एक तलवार छै। अर वेन वींतैं निकाळि के महा पुरोहित का नौकर पर चलै के वेको देणु कन्दूड़ उड़ै दिनी। अर वे नौकर को नौ मलखुस छौ।