यूहन्ना 18:20 - Garhwali

²⁰ तब यीशु न वेतैं जबाब देई, “मिन सब लोगु का समणि खुलाआम बात करिनी। अर जख सब यहूदी लोग जमा होनदिन, जन कि प्रार्थना भवनों अर मन्दिर मा भि उपदेस देई। अर मिन लुकि-छिपी के कुछ भि नि बोलि।

गढवली नयो नियम

²⁰ यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।

यूहन्ना 18:20 ပူးပေါင်းရင်းမြစ်များ

मत्ती 24:26

इलै सुणा, अगर कुई तुमकु बोललु कि, ‘देखा, मसीह निर्जन जगा मा च,’ त भैर नि जयां, या ‘देखा, मसीह भितर कमरों मा च,’ त तुम ऊं पर बिस्वास नि कर्यां।

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

मत्ती 26:65

अर ईं बात तैं सुणी के महा पुरोहित न अपणा कपड़ा फाड़ी के बोलि, “येन परमेस्वर की बेजती कैरी, अर तुम सभ्यों न भि ईं बात तैं सुण्यालि, अब हमतै गवाओ की कुई जरुरत नि च,

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मत्ती 9:35

अर यीशु वे मुलक का नगरों अर ग्‍वोंऽ मा घूमणु रै, अर उखा प्रार्थना भवनों मा जैके उपदेस देन्दु अर परमेस्वर का राज को शुभ समाचार परचार करदु छौ। अर उखा लोगु की बिमारियों तैं अर सब किसमे कमजोरियों तैं दूर करदु छौ।

मरकुस 8:32

अर वेन ऊंतैं या बात साफ-साफ बतै दिनी। अर ईं बात तैं सुणी के पतरस वेतैं अलग मा लि गै, अर वेतैं झिड़कण लगि गै।

लूका 21:37

अर यीशु दिन का बगत पर मन्दिर मा उपदेस देन्दु छौ, अर राति का बगत उ नगर का भैर जैतून नौ का पाड़ पर चलि जान्दु छौ।

लूका 4:15

अर उ ऊंका प्रार्थना भवनों मा उपदेस देण लगि गै, अर सब लोग वेकी बडै करदा छा।

यूहन्ना 18:21

फिर तुम मि बटि किलै पूछणा छाँ? ऊंतैं पूछा जौन मेरु उपदेसों तैं सुणी, कि मिन ऊंमा क्या-क्या बोलि। किलैकि वु जणदा छिन, कि मिन क्या-क्या बोलि।”

यूहन्ना 6:59

अर जब यीशु कफरनहूम नगर का एक प्रार्थना भवन मा छौ, तब वेन अपणा उपदेस मा यू सभि बात बुलिनी।

यूहन्ना 7:14

जब त्योवार का अधा दिन बीती गैनी, तब यीशु मन्दिर मा जैके उपदेस देण लगि गै।

यूहन्ना 7:26

पर देखा, उ त खुलाआम बात कनु च अर कुई वे बटि कुछ नि बुल्दु, क्या अधिकारीयों तैं सच्‍चि मा पता चलि गै कि यू ही मसीह च?

यूहन्ना 7:28

तब यीशु न मन्दिर मा उपदेस देण का बगत ऊँची आवाज मा बोलि, “तुम जणदा छाँ, कि मि कु छौं अर कख बटि अयूं छौं। पर मि अपणी मरजी से नि अयूं, पर मेरु भेजण वळु सच्‍चु च अर वेतैं तुम नि जणद्‍यां।

यूहन्ना 7:4

किलैकि अगर कुई नौ कमाण चान्दु त अपणा कामों तैं लुकि-छिपी के नि करदु। ठिक उन्‍नि अगर तू भि यों कामों तैं करदी, त अफ तैं दुनियां का लोगु का समणि परगट कैर।”

यूहन्ना 8:2

रात खुलदि यीशु मन्दिर मा ऐ। तब सभि लोग वेका पास ऐनी अर उ बैठि के ऊंतैं उपदेस देण लगि गै।

यूहन्ना 8:26

अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

खास चेलों 26:26

अर महाराज तैं भि यों बातों का बारा मा पता च, इलै मि बेधड़क ह्‍वेके ऊंका समणि बोन्‍नु छौं। अर मितैं पूरु यकीन च कि यों बातों मा बटि एक बात भि महाराज से छिपी नि छिन, किलैकि यू सब बात चुपचाप से नि ह्‍वेनि।