यूहन्ना 17:9 - Garhwali

⁹ “अर अभि मि दुनियां का लोगु कू ना, पर ऊं चेलों खुणि ही जु तुमुन मि मा सौंप्यां छिन, ऊं खुणि ही प्रार्थना कनु छौं। किलैकि वु तुमरा ही छिन।

गढवली नयो नियम

⁹ मि ऊंकु परमेश्वर बट्टी प्रार्थना करदु जै तैं तिल मि तैं दियुं च किलैकि उ तेरा छिन पर मि ऊंकु बिनती नि करदु जु दुनिया बट्टी सम्बंध रखदु।

यूहन्ना 17:9 ပူးပေါင်းရင်းမြစ်များ

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

लूका 23:34

तब यीशु न बोलि, “मेरा पिता, यों तैं माफ कैरी द्‍या, किलैकि यों तैं पता नि च कि यू क्या कना छिन।” अर ऊं सिपयों न पांसा डालि के वेका कपड़ा आपस मा बांट दिनी।

लूका 8:34

अर यू सब देखि के सुंगरों तैं चराण वळा उख बटि भगिनी, अर नगरों अर ग्‍वोंऽ मा जैके ऊंन या पूरि बात लोगु तैं बतै दिनी।

यूहन्ना 14:16

अर मि पिता बटि बिन्ती करलु, अर उ तुमतै एक और मददगार द्‍यालु, याने कि सच्‍चै को आत्मा। अर उ सदनि तुमरा दगड़ा मा रालु।

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 17:20

अर यीशु न इन भि प्रार्थना कैरी कि, “हे पिता, मि सिरफ यों खुणि ही ना, बल्किन ऊं खुणि भि प्रार्थना कनु छौं, जु कि ऊंका वचनों तैं सुणी के मि पर बिस्वास करदिन।

यूहन्ना 17:6

अर यीशु न इन भि प्रार्थना कैरी, “हे पिता, तुमुन ईं दुनियां मा बटि जु लोग मितैं दियां छिन, ऊंतैं मिन तुमरा बारा मा बतैयालि। अर ऊ लोग तुमरा ही छा, अर तुमुन ही ऊंतैं मि मा सौंपी। अर ऊंन तुमरा वचन तैं माणियालि।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

यूहन्ना 6:39

अर मेरा भेजण वळे की मनसा या च, कि जु कुछ भि वेन मितैं सौंपी, मि वामा बटि कुछ भि नि हरचौं, बल्किन वेतैं आखिरी का दिन मा ज्यून्दु कैरी द्‍यूं।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।