यूहन्ना 17:4 - Garhwali

⁴ अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

गढवली नयो नियम

⁴ जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

यूहन्ना 17:4 ပူးပေါင်းရင်းမြစ်များ

लूका 22:37

अर यू मि तुम मा इलै बोन्‍नु छौं, किलैकि यू जरुरी च कि पवित्रशास्‍त्र की वा बात पूरि हो, ज्वा की मेरा बारा मा लिखीं च, “‘उ अपराधियों का दगड़ा मा गिणै जालु।’ “हाँ, मेरा बारा मा लिखीं या बात पूरि होण वळी च।”

यूहन्ना 12:28

हे पिता, तुम कथगा महान छाँ, यू लोगु तैं दिखै द्‍या।” तब सरग बटि इन्दरि आवाज ह्‍वे, “मिन त पैलि भि यू देखैलि, अर अगनै भि दिखौण।”

यूहन्ना 14:13

अर जु कुछ भि तुम मेरा नौ से मंगिल्या, उई मि करलु। ताकि पुत्र का द्‍वारा पिता की बडै हो।

यूहन्ना 14:31

पर यू त इलै होणु च, कि दुनियां का लोग जाणि जा, कि मि पिता से प्यार करदु अर जन पिता न मितैं आज्ञा देई, मि उन्‍नि करदु छौं। “अब उठा, इख बटि चलद्‍यां।”

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 19:28

येका बाद यीशु यू जाणि गै, कि वेको काम पूरु ह्‍वे गै। अर जन पवित्रशास्‍त्र मा लिख्यूं च, उ भि पूरु ह्‍वे जौ इलै वेन बोलि, “मितैं तिस लगि।”

यूहन्ना 19:30

तब यीशु न वे सिरका तैं चुसी के बोलि, “पूरु ह्‍वे गै।” अर मुण्ड़ झुकै के वेन अपणा पराण छोड़ि दिनी।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

यूहन्ना 9:3

वेन जबाब देई, “नऽ त येन अर ना ही येका ब्वे-बबों का पापों का कारण, पर यू त अन्धु इलै जनमी, ताकि ये मनखि मा परमेस्वर को काम परगट किये जौ।

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

2 तीमुथियुस 4:7

अर जन एक अच्छी कुस्ति लड़ै जान्दी, ठिक उन्‍नि मिन भि परमेस्वर का काम तैं अच्छा से पूरु कैरियाली। अर जन एक खिलाड़ी अपणी दौड़ तैं जीतदु, ठिक उन्‍नि जु-जु काम मेरा हाथों मा सौंपे गै छा, मिन ऊंतैं पूरु कैरी। अर ये दौरान मि बिस्वास मा भि मजबूत बणयूं रौ।