यूहन्ना 17:3 - Garhwali

³ अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

गढवली नयो नियम

³ अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 17:3 ပူးပေါင်းရင်းမြစ်များ

मरकुस 9:37

“जु कुई मेरा नौ से इन्द्रया बच्‍चों मा बटि कै एक तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ केवल मितैं ही ना, बल्किन मा वेतैं भि स्वीकार करदु जैन मितैं भेजि च।”

लूका 9:48

“जु कुई मेरा नौ से ये बच्‍चा तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ वेतैं स्वीकार करदु जैन मितैं भेजि च। किलैकि तुम मा बटि जु कुई भि दीन बणि के चललु, उई सबसे खास होलु।”

यूहन्ना 10:36

अर मितैं पिता न पवित्र ठैरै के दुनियां मा भेजि च। इलै मिन बोलि कि ‘मि परमेस्वर को पुत्र छौं,’ क्या इलै ही तुम बुल्द्‍यां कि, ‘तू परमेस्वर की बुरै कनि छैई?’

यूहन्ना 11:42

अर मि जणदु छौं, कि तुम सदनि मेरी सुणद्‍यां। फिर भि जु लोग इख चौतरफि खड़ा छिन, ऊंका बानो मिन इन बोलि। ताकि यू बिस्वास कैरा, कि तुमुन ही मितैं भेजि च।”

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

यूहन्ना 17:18

अर जन तुमुन मितैं ईं दुनियां मा भेजि, ठिक उन्‍नि मिन भि ऊंतैं ईं दुनियां मा भेजदु छौं।

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

यूहन्ना 17:25

“हे मेरा धरमी पिता, दुनियां का लोगु न तुमतै नि पछ्याणी, पर मि तुमतै पछ्याणदु छौं। अर यों लोगु न भि जाण्यालि, कि तुमुन ही मितैं भेजि।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 3:17

परमेस्वर न अपणा पुत्र तैं इलै नि भेजि कि उ दुनियां का लोगु को न्याय कैरो, बल्किन मा वेन अपणा पुत्र तैं दुनियां का लोगु तैं बचौणु खुणि भेजि।

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

यूहन्ना 5:44

तुम जु एक-दुसरा बटि आदर-सम्मान पौण चन्द्‍यां, पर उ आदर-सम्मान जु केवल परमेस्वर की तरफा बटि मिलदु च वेतैं नि चन्द्‍यां, त फिर तुम कनकै मि पर बिस्वास कैरी सकदा छाँ।

यूहन्ना 6:57

अर जीवन देण वळा पिता न मितैं भेजि, अर वेकी वजै से मि ज्यून्दु छौं ठिक उन्‍नि उ भि जु मितैं खालु, मेरी वजै से ज्यून्दु रालु।

यूहन्ना 7:29

पर मि वेतैं जणदु छौं, किलैकि मि वेकी तरफा बटि अयूं छौं अर वेन ही मितैं भेजि च।”

यूहन्ना 8:19

अर ऊंन यीशु तैं पूछी, “तेरु पिता कख च?” तब यीशु न जबाब देई, “नऽ त तुम मितैं जणद्‍यां अर ना ही मेरा पिता तैं। अगर जु तुम मितैं जणदा, त मेरा पिता तैं भि जणदा।”

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

1 कुरिन्थि 8:4

अर मूरतों का समणि बलि करीं चीजों तैं खाण का बारा मा हम जणदा ही छां कि ईं दुनियां मा मूरत कुछ भि नि छिन। अर वे एक परमेस्वर तैं छोड़ि के और कुई परमेस्वर छैई नि च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

2 थिस्सलुनीकी 1:8

अर जब यीशु वापस आलु, त वेका अपणा लोग वेको बड़ु आदर-सम्मान करला अर वे खुणि ताजुब करला, किलैकि जु वचन हमुन तुमतै बतै वे पर तुमुन बिस्वास कैरी। इलै तुम भि ऊं पवित्र लोगु का दगड़ा मा सामिल ह्‍वे जैल्या, मगर जु बिस्वास नि करदिन वु लोग वे दिन पर प्रभु का समणि अर वेकी महानता मा बटि दूर किये जाला, अर सदनि का विणास को दण्ड पाला। किलैकि ऊंन हमरा प्रभु यीशु का बारा मा वेकी ईं अच्छी खबर तैं नि माणी, अर ना ही हमरा परमेस्वर तैं पछ्याणदिन। अर जब यीशु वापस आलु, तब यू सब कुछ होलु।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

2 पतरस 1:2

अर मि इन प्रार्थना करदु, कि तुम सभ्या का सभि पिता परमेस्वर अर यीशु मसीह का ज्ञान मा बढदी जा, अर वेकी किरपा अर वेकी शान्ति तुम सभ्यों पर जादा से जादा होणी रौ। आमीन।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

2 पतरस 1:8

अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।

1 यूहन्ना 1:2

हाँ, उई च जु कि ईं दुनियां मा परगट ह्‍वे, अर हमुन वेतैं देखि, अर हम वेका बारा मा गवै देन्द्‍यां। अर हम तुमतै सदनि का जीवन का बारा मा बतौणा छां जु कि पैलि पिता परमेस्वर का पास छौ, अर अब हम पर परगट किये गै।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 यूहन्ना 2:23

अर जु पुत्र तैं स्वीकार नि करदु, वेका पास पिता परमेस्वर भि नि च। पर जु मनखि पुत्र तैं स्वीकार करदु, वेका पास पिता परमेस्वर भि च।

1 यूहन्ना 4:6

मगर हम परमेस्वर का छां, अर जु परमेस्वर तैं जणदु उ हमरि बातों तैं मणदु। अर जु मनखि परमेस्वर तैं नि जणदु, उ हमरि बात तैं भि नि मणदु। अर इनकै हम लोग सच्‍चै का आत्मा तैं, अर वे भरमौण वळा आत्मा तैं पछ्याण सकद्‍यां।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।