यूहन्ना 17:26 - Garhwali

²⁶ अर मिन तुमरा बारा मा ऊंतैं बतै, अर अगनै भि ऊंतैं बतौणु रौलु। किलैकि जु प्यार तुमुन मि बटि कैरी, उई प्यार ऊंमा बणयूं रौ अर मि भि ऊंमा बणयूं रौ।”

गढवली नयो नियम

²⁶ मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”

यूहन्ना 17:26 ပူးပေါင်းရင်းမြစ်များ

यूहन्ना 14:20

फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

यूहन्ना 15:4

तुम मि मा बणयां रा अर मि तुम मा रौलु। अर जन फौंकि बेल पर नि राली, त वा खुद से फल नि ला सकदी, ठिक उन्‍नि तुम भि मि मा नि बणयां रैल्या त फल नि लै सकद्‍यां।

यूहन्ना 15:9

“अर जन पिता मि बटि प्यार करदु, उन्‍नि मिन तुम बटि प्यार कैरी। अर तुम मेरा प्यार मा बणयां रा।

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

यूहन्ना 17:6

अर यीशु न इन भि प्रार्थना कैरी, “हे पिता, तुमुन ईं दुनियां मा बटि जु लोग मितैं दियां छिन, ऊंतैं मिन तुमरा बारा मा बतैयालि। अर ऊ लोग तुमरा ही छा, अर तुमुन ही ऊंतैं मि मा सौंपी। अर ऊंन तुमरा वचन तैं माणियालि।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 6:56

इलै जु कुई मेरु बदन तैं खान्दु अर मेरु ल्वे तैं पीन्दु च, उ मि मा अर मि वेमा बसदु छौं।

यूहन्ना 8:50

अर मि अपणु आदर-सम्मान नि चान्दु, पर एक च जु मेरु आदर-सम्मान चान्दु अर उई न्याय भि करदु च।

रोमियों 8:10

अर अगर जु यीशु मसीह को सभौ तुम मा वास करदु, अब चै तुमरो सरील पाप की वजै से मोरि भि किलै नि जौ, फिर भि पवित्र आत्मा तुमतै सदनि को जीवन द्‍यालु, किलैकि तुमुन बिस्वास कैरी अर पिता परमेस्वर की नजर मा धरमी ठैरि ग्यां।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 12:12

हे मेरा भै-बैंणो, जन कि हमरा सरील मा कई अंग छिन, फिर भि हमरु एक ही सरील च, ठिक उन्‍नि हम सभ्या का सभि लोग जौन यीशु मसीह पर बिस्वास कैरी वेका अंग छां।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 1:6

इलै ही हम वेकी महान किरपा की तारीफ करद्‍यां, अर या किरपा वेन अपणा लाडला पुत्र यीशु मसीह का द्‍वारा हम पर बड़ु मेरबान ह्‍वेके कैरी।

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

इफिसुस 5:30

अर यीशु मसीह इन इलै करदु, किलैकि हम वेका सरील का अंग छां।

इफिसुस 5:32

अर यू राज तुम खुणि त बड़ु महान च, जैतैं पैलि छिपै के रखै गै छौ, मगर मि येको इस्तेमाल यीशु मसीह अर बिस्वासी समुदाय का बारा मा कनु छौं।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

इब्रानी 2:12

इलै ही वेन पिता परमेस्वर कू बोलि, “मि अपणा भै-बैंणो का समणि तुमरा नौ को बखान करलु, अर सभा का समणि मि तुमरो गुणगान करलु।”

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।