यूहन्ना 17:1 - Garhwali

¹ अर यू सब बोन्‍ना का बाद यीशु न स्वर्ग जनै देखि के प्रार्थना कैरी, “हे पिता, अब वा घड़ी ऐ गै। तुमरो पुत्र कथगा महान च, यू दिखै द्‍या, ताकि पुत्र का द्‍वारा भि यू दिखै जौ, कि तुम कथगा महान छाँ।

गढवली नयो नियम

¹ यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”

यूहन्ना 17:1 ပူးပေါင်းရင်းမြစ်များ

मरकुस 14:41

तब तिसरी दौं उ फिर से वापस ऐ, अर वेन ऊंकू बोलि, “अरे, तुम अभि तक सिणा छाँ अर आराम करण पर लग्यां छाँ, सुणा, अब उ बगत ऐ गै कि मनखि को पुत्र पापि लोगु का हाथ मा पकड़वै जाणु च।

लूका 18:13

पर वे चुंगी लेण वळा न स्वर्ग जनै भि नि देखि, बल्किन दूर खड़ु ह्‍वेके अपणी छति भटगै-भटगै के बोलि, ‘परमेस्वर, मि एक पापि मनखि छौं मि पर दया कैरा।’”

लूका 22:53

जब मि मन्दिर मा हरेक दिन तुमरा दगड़ा छौ, तब तुमुन मितैं नि पकड़ी पर यू बगत तुमरो अर अन्धेरा का अधिकारी शैतान को च।”

यूहन्ना 11:4

जब यीशु न इन सुणी, तब वेन बोलि, “ईं बिमारि बटि वेकी मौत नि ह्‍वेलि, पर यू त इलै च कि परमेस्वर की बडै हो, अर वेका द्‍वारा परमेस्वर का पुत्र की भि बडै हो।”

यूहन्ना 11:41

फिर ऊंन वे डांग तैं एक तरफा फरके दिनी। तब यीशु न नजर उठे के स्वर्ग जनै देखि अर बोलि, “हे पिता, मि तुमरो धन्यवाद करदु छौं, कि तुमुन मेरी सुण्यालि।

यूहन्ना 12:23

तब यीशु न ऊंकू बोलि, “देखा, अब मनखि का पुत्र को बड़ु आदर-सम्मान करण को बगत ऐ गै।

यूहन्ना 13:1

अर फसह का त्योवार से पैलि यीशु जाणि गै, कि दुनियां तैं छोड़ि के पिता का पास चलि जाणु को बगत नजदीक ऐ गै। तब वेन जु वेका दगड़ा मा रौन्दा छा, ऊंतैं जन प्यार उ पैलि करदु छौ, उन्‍नि प्यार उ आखिरी का दिन तक कनु रै।

यूहन्ना 16:32

देखा, अब उ बगत औणु च, बल्किन मा ऐ भि गै। जब तुम सभि मितैं इखुली छोड़ि के तितर-बितर ह्‍वे जैल्या, अर अपणा-अपणा बाटों पर चलि जैल्या। तभि भि मि इखुली नि छौं, किलैकि मेरु पिता मेरा दगड़ा मा च।

यूहन्ना 7:30

यू सुणी के ऊ लोग यीशु तैं पकड़णे की कोसिस करण लगि गैनी, पर कुई भि वेतैं पकड़ी नि पै। किलैकि वेको बगत अभि तक नि ऐ छौ।

यूहन्ना 7:39

यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

यूहन्ना 8:20

अर यीशु न यों सब बातों तैं अपणा उपदेस मा बोलि अर वे बगत उ वीं जगा मा छौ जख मा दान-पेटि रखी रौनदिन, पर तभि भि कैन यीशु तैं नि पकड़ी, किलैकि वेको बगत अभि तक नि ऐ छौ।

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।