यूहन्ना 16:5 - Garhwali

⁵ अर यीशु न इन भि बोलि, “पर अब मि अपणा भेजण वळा मा जाणु छौं। अर तुम मा बटि कुई भि मितैं इन नि पूछणु च कि, ‘तुम कख जाणा छाँ?’

गढवली नयो नियम

⁵ पर अब मि अपड़ा भिजणवला मा जांणु छौं अर तुम मा बट्टी कुई मि मा इन नि पुछणु च कि मि कख जांणु छो?

यूहन्ना 16:5 ပူးပေါင်းရင်းမြစ်များ

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

यूहन्ना 13:36

तब शमौन पतरस न यीशु तैं पूछी, “प्रभु तुम कख जाणा छाँ?” यीशु न वेतैं जबाब देई, “जख मि जाणु छौं, उख तू अभि मेरा पिछनै नि ऐ सकदी, पर बाद मा ऐलि।”

यूहन्ना 14:28

तुमुन मितैं इन बुल्द सुणी कि, ‘मि जाणु छौं, अर फिर से मि तुमरा पास औलु।’ अगर जु तुम मि बटि प्यार करदा, त ईं बात से खुश होन्दा, कि मि पिता का पास जाणु छौं। किलैकि पिता मिसे भि महान च।

यूहन्ना 16:10

अर धरमी बणण का बारा मा इलै, किलैकि मि पिता मा जाणु छौं, अर तुम मितैं फिर नि दिखल्या।

यूहन्ना 16:16

यीशु न चेलों खुणि फिर से बोलि, “थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।”

यूहन्ना 16:17

तब वेका कुछ चेलों न आपस मा बोलि, “यू हम बटि बोन्‍नु च कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ त यां को मतलब क्या च?”

यूहन्ना 16:28

हाँ, मि पिता परमेस्वर की तरफा बटि इख अयूं छौं, अर अब ईं दुनियां तैं छोड़ि के पिता मा जाणु छौं।”

यूहन्ना 17:13

“हे मेरा पिता, अब मि तेरा पास औणु छौं अर दुनियां मा रौन्द ही मि यों बातों तैं बोन्‍नु छौं। ताकि जन खुशी मितैं होणी च, उन्‍नि ऊंतैं भि भौत खुशी हो।

यूहन्ना 17:4

अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

यूहन्ना 6:62

अगर जु तुम मनखि का पुत्र तैं स्वर्ग जान्द दिखल्या, जख उ पैलि छौ त फिर तुमरो क्या जि होलु?

यूहन्ना 7:33

तब यीशु न लोगु कू बोलि, “मि कुछ बगत तक ही तुमरा दगड़ा मा छौं, अर फिर अपणा भेजण वळा का पास चलि जौलु।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।