यूहन्ना 16:25 - Garhwali

²⁵ “अर अभि तक मिन यू बात तुमतै उदारण देके बतैनि, पर इन्द्रयो बगत औण वळु च, कि तब मि तुम बटि उदारणों मा नि बोललु, पर पिता का बारा मा तुमतै साफ-साफ बतै द्‍यूलु।

गढवली नयो नियम

²⁵ “मिल यु बात तुम मा मिसाल दे के बोलि, पर उ बगत आंण वलो च कि तुम तैं मिसाल दे के नि बुललो पर खुलि के तुम तैं बुबा का बारा मा बतौलु।

यूहन्ना 16:25 ပူးပေါင်းရင်းမြစ်များ

मरकुस 4:13

तब यीशु न अपणा चेलों कू बोलि, “क्या तुम ये उदारण को मतलब नि समझयां? अर अगर जु तुम यू नि समझद्‍यां, त फिर दुसरा उदारणों को मतलब कनकै समझि ल्या?

मरकुस 4:34

अर यीशु बगैर उदारण दियां लोगु बटि कुछ भि नि बुल्दु छौ, मगर जब यीशु अपणा चेलों का दगड़ा मा होन्दु छौ, त हरेक बात को मतलब ऊंतैं समझै देन्दु छौ।

मरकुस 8:32

अर वेन ऊंतैं या बात साफ-साफ बतै दिनी। अर ईं बात तैं सुणी के पतरस वेतैं अलग मा लि गै, अर वेतैं झिड़कण लगि गै।

यूहन्ना 10:24

तब यहूदी यीशु का चौतरफि ऐके जमा ह्‍वे गैनी अर वे बटि पूछी, “तू हमतै कब तक दुविधा मा रखलि? अगर तू मसीह छैई, त हमतै साफ-साफ बतै दे।”

यूहन्ना 10:6

यीशु न यू उदारण ऊं लोगु तैं सुणै पर जु कुछ वेन ऊं लोगु कू बोलि, वु ऊंका समझ मा नि ऐ, कि यीशु ऊंकू बोन्‍नु क्या च।

यूहन्ना 16:12

“उन त मि मा तुम खुणि बोन्‍नु खुणि भौत सरी बात छिन। पर अभि तुम ऊं बातों तैं सै नि सकद्‍यां।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 16:32

देखा, अब उ बगत औणु च, बल्किन मा ऐ भि गै। जब तुम सभि मितैं इखुली छोड़ि के तितर-बितर ह्‍वे जैल्या, अर अपणा-अपणा बाटों पर चलि जैल्या। तभि भि मि इखुली नि छौं, किलैकि मेरु पिता मेरा दगड़ा मा च।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।