यूहन्ना 16:19 - Garhwali

¹⁹ तब यीशु तैं मालूम ह्‍वे गै, कि ऊ मि बटि कुछ पूछण चाणा छिन। इलै वेन ऊंकू बोलि, “मिन तुमकु बोलि कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ क्या येका बारा मा तुम आपस मा पूछताछ करणा छाँ, कि येको मतलब क्या च?

गढवली नयो नियम

¹⁹ यीशु ल यु की उ मि तैं यूं बातों कु मतलब पुछण चांणा छिन, वेल बोलि, क्य तुम आपस मा मेरी यूं बातों का बारा मा पूछताछ कना छा जरा देर मा तुम मि तैं नि देखि ल्या, अर फिर जरा देर मा मि तैं देखि ल्या?

यूहन्ना 16:19 ပူးပေါင်းရင်းမြစ်များ

मत्ती 6:8

इलै तुम ऊंका जन नि बणा, किलैकि तुमरो पिता परमेस्वर तुमरो मंगण से पैलि ही जणदु च कि तुमतै कैं चीज की जरुरत च।

मत्ती 9:4

पर यीशु ऊंका विचारों तैं जाणि गै अर वेन ऊंकू बोलि, “तुम लोग अपणा-अपणा मनों मा बुरी बातों तैं किलै सुचणा छाँ?

मरकुस 9:32

मगर यीशु का चेला ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

यूहन्ना 13:33

“मेरा बच्‍चों, अब मि तुमरा दगड़ा मा कुछ ही देर तक छौं। फिर तुम मितैं खुजैल्या, अर जन मिन यहूदियों कू बोलि, उन्‍नि मि अब तुमकु भि बोन्‍नु छौं, कि जख मि जाणु छौं, उख तुम नि ऐ सकद्‍यां।

यूहन्ना 14:19

अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

यूहन्ना 16:16

यीशु न चेलों खुणि फिर से बोलि, “थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।”

यूहन्ना 16:18

“यू जु ‘थुड़ी देर’ बोन्‍नु च, या क्या बात ह्‍वे सकदी च? हमरि समझ मा नि च औणु, कि यू बोन्‍नु क्या च।”

यूहन्ना 16:23

अर वे दिन तुम मि बटि कुछ भि नि पूछील्या, पर जु कुछ भि तुम पिता बटि मंगिल्या उ सब पिता मेरा नौ से तुमतै द्‍यालु। अर यू मि तुम बटि सच्‍चि ही बोन्‍नु छौं।

यूहन्ना 16:26

अर मि तुम मा इन नि बोन्‍नु छौं, कि वे दिन मि पिता बटि तुम खुणि मंगलु, पर तुम त खुद ही मेरा नौ से मंगिल्या।

यूहन्ना 16:30

अर अब हम समझि ग्यां, कि तुम सब कुछ जणदा छाँ। अर अब हमतै जरुरत नि च, कि तुम बटि कुछ भि सवाल पूछा। अर यां से हम बिस्वास करद्‍यां, कि तुम परमेस्वर की तरफा बटि अयां छाँ।”

यूहन्ना 21:17

अर यीशु न तिसरी दौं वेकू बोलि, “हे यूहन्‍ना का नौना शमौन, क्या तू मि बटि प्यार करदी?” तब पतरस तैं दुख ह्‍वे, किलैकि यीशु न तिसरी दौं वे बटि पूछी छौ कि, “क्या तू मि बटि प्यार करदी?” इलै वेन वेकू बोलि, “हे प्रभु, तुम त सब कुछ जणद्‍यां। अर यू भि जणद्‍यां, कि मि तुम बटि प्यार करदु छौं।” तब यीशु न वेकू बोलि, “मेरी भेड़ों तैं चरो।

यूहन्ना 6:61

पर वेन अपणा मन मा यू जाण्यालि, कि वेका पिछनै चलण वळा लोग आपस मा कुड़कुड़ौण लगि गैनी। इलै वेन बोलि, “क्या तुम यों बातों तैं सुणी के बिस्वास मा डगमगै ग्यां?

यूहन्ना 7:33

तब यीशु न लोगु कू बोलि, “मि कुछ बगत तक ही तुमरा दगड़ा मा छौं, अर फिर अपणा भेजण वळा का पास चलि जौलु।

इब्रानी 4:13

अर दुनियां मा इन्दरि कुई भि चीज नि च ज्वा कि पिता परमेस्वर की नजर से छिपी हो। अर हम सभ्यों न वेतैं अपणी-अपणी सब बातों को हिसाब-किताब देण च, अर वेकी आंख्यों का समणि सब चीज खुलि अर परगट छिन।

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।