यूहन्ना 15:19 - Garhwali

¹⁹ अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।

गढवली नयो नियम

¹⁹ जु तुम दुनिया का हूंद त दुनिया का लोग अपड़ो बट्टी प्रेम रखदु, पर यु कारण की दुनिया बट्टी सम्बंध नि रखदा पर मिल तुम तैं दुनिया मा बट्टी चुणयेली इलै दुनिया तुम बट्टी बैर रखली।

यूहन्ना 15:19 ပူးပေါင်းရင်းမြစ်များ

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

लूका 6:32

“अगर तुम ऊं ही लोगु बटि ही प्यार करद्‍यां? जु तुम बटि प्यार करदिन, त कौन सा तुमुन भौत बड़ु काम कैरियाली? किलैकि पापि मनखि भि त इन्‍नि करदिन।

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 6:70

तब यीशु न ऊंतैं जबाब देई, “क्या मिन तुम बारह तैं नि चुणी? तभि भि तुम मा बटि एक मनखि शैतान च।”

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

1 पतरस 4:3

किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्‍नि कामों मा लग्यां रौन्दा छा।

1 यूहन्ना 3:12

हमतै कैन का जन नि बणण चयेणु, जैन अपणा सगा भै तैं जान से मार दिनी। अरे, वु त शैतान की औलाद छौ, अर वेन अपणा सगा भै तैं जान से इलै मारी, किलैकि वेका भै न पिता परमेस्वर की नजर मा भलै का काम कैरी छा मगर कैन न बुरै का काम कैरी छा।

दिब्य दरस 12:17

तब खुंखार रागस तैं वीं जनानि पर बड़ु गुस्सा ऐ। अर उ वेका वंश का लोगु का दगड़ा मा युद्ध करणु खुणि निकळि गै, किलैकि ऊ लोग परमेस्वर की आज्ञाओं को पालन करदिन अर यीशु की गवै सुनौण को काम करदिन।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।