यूहन्ना 15:16 - Garhwali

¹⁶ अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

गढवली नयो नियम

¹⁶ तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

यूहन्ना 15:16 ပူးပေါင်းရင်းမြစ်များ

मत्ती 21:22

अर प्रार्थना मा जु कुछ भि तुम बिस्वास से मंगिल्या, उ सब तुमतै मिली जालु।”

मत्ती 7:7

अर यीशु न इन भि बोलि कि, “मांगा, त तुमतै दिये जालु, खुजैल्या त तुमतै जरुर मिललु, खखटैल्या त तुम खुणि खुलै जालु।

लूका 6:13

अर जब सुबेर ह्‍वे, त वेन अपणा चेलों तैं बुलै। अर ऊंमा बटि बारह लोगु तैं चुणी, अर ऊंकू खास चेला बोलि।

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

यूहन्ना 15:19

अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।

यूहन्ना 15:5

“मि अंगूरों की बेल छौं, अर तुम फौंकि छाँ। अर जु मि मा बणयां रौनदिन अर जौं मा मि बणयूं रौन्दु उई जादा फल लनदिन, किलैकि मि बटि अलग ह्‍वेके तुम कुछ भि नि कैरी सकद्‍यां।

यूहन्ना 6:70

तब यीशु न ऊंतैं जबाब देई, “क्या मिन तुम बारह तैं नि चुणी? तभि भि तुम मा बटि एक मनखि शैतान च।”

खास चेलों 1:24

अर लोगु न इन प्रार्थना कैरी, “हे प्रभु, तुम त सब लोगु का मन की बात तैं जणद्‍यां, इलै हमतै बता कि यों दुईयों मा बटि तुमुन कैतैं चुण्यूं च,

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

खास चेलों 10:41

पर फिर भि वु सब लोगु तैं नि दिखै, बस ऊं लोगु तैं ही दिखै जौं तैं परमेस्वर न पैलि बटि गवा होणु खुणि चुण्यूं छौ, अर वु गवा हम ही छां। किलैकि यीशु की मौत मा बटि ज्यून्द होण का बाद हमुन वेका दगड़ा मा खाणुक-पीणुक खै।

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

रोमियों 9:21

अर माटा का भाँडो तैं बणौण वळु मनखि जन चौ उन भाँडा बणै सकदु। अर वु माटा का एक बड़ा गोळा मा बटि एक सुन्दर भाँडु बणौन्दु, जु कि खास काम मा ही इस्तेमाल किये जान्दु। अर वे ही गोळा मा बटि एक इन भाँडु भि बणौन्दु, जु कि रोज का कामों मा इस्तेमाल किये जान्दु।

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

गलातियों 1:15

मगर परमेस्वर न मितैं माँ का पुटगुन्द ही अफ खुणि चुणी के अलग कैरियाली छौ, अर अपणी महान किरपा का द्‍वारा वेन मितैं बुलै। अर वे परमेस्वर तैं या बात अच्छी लगि कि,

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

कुलुसी 1:6

अर अब यू ही शुभ समाचार पूरि दुनियां मा खूब फैलणु च, अर यू ठिक उन्‍नि फैलणु च जन कि यू पैलि बार तुमरा बीच मा फैली छौ। हाँ, ठिक उन्‍नि जब तुमुन सच्‍चै से पिता परमेस्वर की किरपा का बारा मा सुणी, अर वेका बारा मा समझि भि छौ।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

तीतुस 1:5

अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।

इब्रानी 11:4

अर बिस्वास का द्‍वारा ही पितर हाबिल न परमेस्वर तैं इन्द्रयो बलिदान चड़ै जु कि वेका भै कैन का बलिदान से उत्तम छौ। अर परमेस्वर न वेका बलिदान तैं अर वेतैं एक धरमी मनखि का रुप मा स्वीकार कैरी, हालांकि पितर हाबिल मोरि गै मगर फिर भि वेको बिस्वास आज हम लोगु खुणि एक सबक च।

याकूब 3:18

अर जु लोग मेल-जोल करौन्दिन, वु शान्ति का बीज तैं बुतदिन, अर परमेस्वर की नजर मा धरमी होण का गुणों तैं लेके औन्दिन।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 यूहन्ना 4:19

अर हम लोग इलै प्यार करद्‍यां, किलैकि पैलि परमेस्वर न हम से प्यार कैरी।