यूहन्ना 15:10 - Garhwali

¹⁰ अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

गढवली नयो नियम

¹⁰ जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

यूहन्ना 15:10 ပူးပေါင်းရင်းမြစ်များ

यूहन्ना 10:18

अर कुई भि मि बटि मेरी जान तैं निकाळि नि सकदु, पर मि वेतैं अफि देन्दु छौं। अर मितैं वे देणु को अधिकार च, अर वेतैं फिर पौण को भि अधिकार च। अर इन करण की आज्ञा मेरा पिता न मितैं देई च।”

यूहन्ना 12:49

किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्‍न, अर क्या-क्या बतौण।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 14:21

अर जु कुई मेरी आज्ञाओं तैं स्वीकार कैरिके वेका मुताबिक चलदु च, उई मि बटि प्यार करदु। अर जु मि बटि प्यार करदु, वे बटि मेरु पिता भि प्यार करदु। अर मि भि वे बटि प्यार करलु, अर अपणु दरसन वेतैं दिखौलु।”

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 14:31

पर यू त इलै होणु च, कि दुनियां का लोग जाणि जा, कि मि पिता से प्यार करदु अर जन पिता न मितैं आज्ञा देई, मि उन्‍नि करदु छौं। “अब उठा, इख बटि चलद्‍यां।”

यूहन्ना 17:4

अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 8:29

अर मेरु भेजण वळु मेरा दगड़ा मा च। अर वेन मितैं इखुली नि छोड़ि, किलैकि मि हमेसा ऊं कामों तैं करदु छौं, जौं से पिता खुश होन्दु।”

यूहन्ना 8:55

फिर भि तुम त वेतैं नि जणद्‍यां, पर मि वेतैं जणदु छौं। अगर जु मि बुल्दु, कि मि वेतैं नि जणदु, त मि भि तुमरि तरौं झूठ्‍ठु ठैरलु। पर मि वेतैं जणदु छौं अर वेका ही वचनों का मुताबिक चलदु छौं।

1 कुरिन्थि 7:19

किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

2 पतरस 2:21

अर ऊं खुणि भली बात त या ही होन्दी, कि वु धरम का बाटा का बारा मा सच्‍चु ज्ञान ही नि पौन्दा, अर ज्वा पवित्र आज्ञा ऊंतैं दिये गै वींतैं ऊ लोग अच्छी तरौं से नि जनण चनदिन, बल्किन मा वांको पालन करण ही छोड़ि देन्दिन।

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

1 यूहन्ना 2:5

मगर कुई मनखि पिता परमेस्वर की आज्ञा को पालन करदु, त उ अपणा पूरा दिल से वेसे प्यार करदु। अर यां से इन पता चलदु कि हमरु पिता परमेस्वर का दगड़ा मा कथगा सच्‍चु रिश्ता च।

1 यूहन्ना 2:6

अर अगर कुई मनखि इन बुल्दु, कि मेरु पिता परमेस्वर का दगड़ा मा एक अच्छु रिश्ता च, त वेको इन फरज बणदु की वेको चाल-चलन भि ठिक उन्‍नि हो जन यीशु मसीह को छौ।

1 यूहन्ना 5:3

किलैकि परमेस्वर को प्यार यां मा ही च कि हम वेकी आज्ञाओं को पालन कैरा, अर वेकी आज्ञा को पालन करण कुछ जादा कठिन नि च।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।