यूहन्ना 15:1 - Garhwali

¹ तब यीशु न चेलों खुणि एक उदारण देके बोलि, “अंगूरों की सच्‍चि बेल मि ही छौं, अर मेरु पिता माली च।

गढवली नयो नियम

¹ “सच्ची अंगूरों कि लगुली मि छौं, अर मेरू बुबा किसान च।

यूहन्ना 15:1 ပူးပေါင်းရင်းမြစ်များ

मत्ती 15:13

वेन जबाब दिनी, “हरेक उ पौधा जु स्वर्ग मा रौण वळा मेरा पिता न नि लगै, वेतैं उखाड़ दिये जालु।

मत्ती 20:1

अर यीशु न अपणा चेलों कू इन भि बोलि कि, “परमेस्वर को राज इन च कि एक घौर को मालिक सुबेर लेके अपणा घौर बटि इलै निकळि, ताकि अपणा अंगूरों का बगिचा मा काम करणु खुणि मजदूरों तैं लगौ।

मत्ती 21:33

यीशु न ऊंकू बोलि एक और उदारण सुणा, “एक घौर का मालिक न अंगूरों को एक बगिचा बणै, अर वेका चौतरफि बाड़ कैरी, अर रस निकळणु खुणि कोलु लगै अर रस जमा करणु खुणि खडलु भि बणै, अर बगिचे की देख-रेख करण वळा खुणि एक झोपड़ी भि बणै। अर बगिचा को ठेक्‍का किसानों तैं देके खुद वु देस चलि गै।

मरकुस 12:1

फिर यीशु यहूदियों का मुख्य लोगु का दगड़ा मा उदारण देके बात करण लगि गै। अर वेन बोलि कि, “एक मनखि न अंगूरों को एक बगिचा बणै, अर वेका चौतरफि बाड़ कैरी, अर रस जमा करणु खुणि खडलु बणै, अर बगिचे मा पैरा देणु खुणि एक जगा भि तयार कैरी। अर बगिचा को ठेक्‍का किसानों तैं देके खुद वु मनखि कै दुसरा देस कू चलि गै।

लूका 13:6

तब यीशु न ऊंतैं एक उदारण सुणै, “एक बार एक मनखि न अपणा अंगूर का बगिचा मा एक तिमला को डाळु लगयूं छौ। अर उ वे डाळा पर फल खुज्याणु कू ऐ, पर वेतैं कुछ नि मिली।

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

यूहन्ना 1:9

अर सच्‍चु उज्याळु जु हरेक मनखि तैं उज्याळु देन्दु, उ दुनियां मा औण वळु छौ।

यूहन्ना 15:2

अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

यूहन्ना 6:32

तब यीशु न ऊंकू बोलि, “मि तुम बटि सच्‍चि ही बोन्‍नु छौं, कि वा रुट्‍टी स्वर्ग बटि तुमतै मूसा न नि देई, बल्किन मा मेरु पिता ही तुमतै स्वर्ग बटि सच्‍चि रुट्‍टी देन्दु च।

यूहन्ना 6:55

किलैकि मेरु बदन त सच्‍चु खाणु च अर मेरु ल्वे सच्‍चि मा पीणे की चीज च।

रोमियों 11:17

अर जन जैतून डाळा से कुछ फौंका तोड़ि के अलग किये जनदिन, ठिक उन्‍नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्‍वे गैनी। अर जन लोग कै दुसरा डाळा पर कलम लगौन्दिन ठिक उन्‍नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

1 यूहन्ना 2:8

मगर फिर भि मि तुम खुणि एक नई आज्ञा लिखणु छौं, ज्वा कि यीशु मसीह मा अर ठिक उन्‍नि तुम भि मा भि सच्‍चि साबित ह्‍वे, किलैकि अब अन्धेरु खतम होण लगि गै, अर सच्‍चै को उज्याळु चमकण लगि गै।