यूहन्ना 14:30 - Garhwali

³⁰ अर अब मिन तुमरा दगड़ा मा जादा बात नि करण, किलैकि ईं दुनियां पर राज करण वळु औण वळु च। फिर भि वेको मि पर कुई भि अधिकार नि च।

गढवली नयो नियम

³⁰ मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।

यूहन्ना 14:30 ပူးပေါင်းရင်းမြစ်များ

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 22:53

जब मि मन्दिर मा हरेक दिन तुमरा दगड़ा छौ, तब तुमुन मितैं नि पकड़ी पर यू बगत तुमरो अर अन्धेरा का अधिकारी शैतान को च।”

यूहन्ना 12:31

अब ईं दुनियां को न्याय होणो को बगत ऐ गै। अर जु ईं दुनियां पर राज कनु च, वेतैं भैर निकळे जालु।

खास चेलों 1:3

अर क्रूस को दुख झिलण का बाद भि यीशु न अपणा ज्यून्द होण का भौत सरा पक्‍का परमाण दिनी। अर उ चालीस दिनों तक अपणा खास चेलों तैं दिखै, अर वेन ऊं बटि परमेस्वर का राज का बारा मा बात भि कैरी।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

कुलुसी 1:13

अर वेन ही हमतै अन्धेरा का अधिकार से छुड़ै, अर अपणा प्यारा पुत्र यीशु मसीह का राज मा दाखिल करै,

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

1 पतरस 1:19

बल्किन मा यू त तुमतै भौत कीमती ल्वे की वजै से मिली, जु कि यीशु मसीह को च अर वेमा कुई दाग अर दोष नि च, किलैकि उ बेदाग मेम्‍ना च जैन कुई भि पाप नि कैरी।

1 पतरस 2:22

अर पवित्रशास्‍त्र मा वेका बारा मा इन लिख्यूं च कि, “वेन कुई पाप नि कैरी, अर ना ही वेका गिच्‍चा बटि कुई छल की बात निकळि।”

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

1 यूहन्ना 5:18

अर हम इन जणदा छां कि जै मनखि को जनम पिता परमेस्वर की तरफा बटि होयुं च, उ लगातार पाप नि कैरी सकदु। किलैकि परमेस्वर को पुत्र वेकी हिफाजत करदु। अर शैतान वेको कुछ भि नि कैरी सकदु।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।