यूहन्ना 14:28 - Garhwali

²⁸ तुमुन मितैं इन बुल्द सुणी कि, ‘मि जाणु छौं, अर फिर से मि तुमरा पास औलु।’ अगर जु तुम मि बटि प्यार करदा, त ईं बात से खुश होन्दा, कि मि पिता का पास जाणु छौं। किलैकि पिता मिसे भि महान च।

गढवली नयो नियम

²⁸ तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च।

यूहन्ना 14:28 ပူးပေါင်းရင်းမြစ်များ

मत्ती 12:18

“देखा, यू मेरु सेवक च जैतैं मिन चुणी, यू मेरु लाडलु च अर येसे मेरु मन भौत खुश च, अर मि येतैं अपणा पवित्र आत्मा का द्‍वारा ताकत द्‍यूलु, अर मि कनकै सब देसों का लोगु तैं धरमी बणौलु, वांको परचार वु लोगु का बीच मा करलु।

यूहन्ना 10:38

अर अगर मि करदु छौं, त चै तुम मेरु बिस्वास कैरा या नि कैरा, पर ऊं कामों पर त बिस्वास कैरा, ताकि तुम जाणि अर समझि सैका, कि पिता मि मा, अर मि पिता मा बसदु छौं।”

यूहन्ना 13:16

अर मि तुम बटि सच्‍चि बोन्‍नु छौं, कि नौकर अपणा मालिक से बड़ु नि होन्दु, अर जैतैं भेज्यूं च उ अपणा भेजण वळा से बड़ु नि होन्दु।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

यूहन्ना 14:18

“अर मि तुमतै अनाथ की तरौं नि छुड़लु, पर मि तुमरा पास फिर से औलु।

यूहन्ना 16:7

फिर भि मि तुम मा सच्‍चि बोन्‍नु छौं, कि मेरु जाण तुम खुणि फैदे की ही बात च। किलैकि अगर जु मि नि जौलु, त वे मददगार न तुम मा नि औण, पर जब मि जौलु, त वेतैं तुम मा भेजलु।

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

यूहन्ना 5:18

इलै यहूदी वेतैं और भि जादा जान से मरणे की फिराक मा लगि गैनी। किलैकि उ नऽ त केवल सब्त का दिन की विधि तैं तोड़दु छौ, बल्किन परमेस्वर तैं पिता बोलि के अफु तैं वेका बराबर ठैरै देन्दु छौ।

यूहन्ना 7:33

तब यीशु न लोगु कू बोलि, “मि कुछ बगत तक ही तुमरा दगड़ा मा छौं, अर फिर अपणा भेजण वळा का पास चलि जौलु।

1 कुरिन्थि 11:3

पर फिर भि मि तुमतै इन बतौण चान्दु, कि इन जाणि ल्या कि हरेक बैख पर यीशु मसीह को अधिकार च, अर हरेक जनानि पर वींका पति को अधिकार च। अर यीशु मसीह पर पिता परमेस्वर को अधिकार च।

1 पतरस 1:8

अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”