यूहन्ना 14:24 - Garhwali

²⁴ पर जु कुई मि बटि प्यार नि करदु, उ मेरा वचन तैं भि नि मणदु। अर जु वचन तुम सुणद्‍यां, उ मेरु ना बल्किन मा जै पिता न मितैं भेजि च वेको च।

गढवली नयो नियम

²⁴ जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।

यूहन्ना 14:24 ပူးပေါင်းရင်းမြစ်များ

मत्ती 19:21

यीशु न वेकू बोलि, “अगर जु तू हरेक बात मा सिद्ध होण चान्दी त जा, अपणी जैजाद बेचि दे अर वे बटि जु कुछ भि मिललु वु सब गरीबों मा बांटि दे, अर मेरु चेला बणि जा। अर सुण, त्वेतै स्वर्ग मा खजाना मिललु।”

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 14:25

“अर यों सब बातों तैं मिन तुमतै वे बगत बतैयालि छौ, जब मि तुमरा दगड़ा मा छौ।

यूहन्ना 3:11

अर मि तुम सच्‍चि ही बोन्‍नु छौं, कि हम जु जणदा छां, उई बुल्द्‍यां, अर जु हमुन देखि च, वेकी गवै देन्दा छां, पर तुम हमरि गवै तैं स्वीकार नि करद्‍यां।

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 5:38

अर वेका वचनों मा तुम टिक्यूं नि रौन्द्‍यां, किलैकि जैतैं वेन भेज्यूं च तुम वे पर बिस्वास नि करद्‍यां।

यूहन्ना 7:16

तब यीशु न ऊंतैं जबाब देई, “मेरु उपदेस मेरु अपणु नि च, पर मेरा भेजण वळा को च।

यूहन्ना 7:28

तब यीशु न मन्दिर मा उपदेस देण का बगत ऊँची आवाज मा बोलि, “तुम जणदा छाँ, कि मि कु छौं अर कख बटि अयूं छौं। पर मि अपणी मरजी से नि अयूं, पर मेरु भेजण वळु सच्‍चु च अर वेतैं तुम नि जणद्‍यां।

यूहन्ना 8:26

अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

यूहन्ना 8:28

इलै वेन ऊंकू बोलि, “जब तुम मनखि का पुत्र तैं ऊँचा पर चड़ैल्या, तब तुमतै पता चललु, कि मि उई छौं अर मि अपणा अधिकार बटि कुछ नि करदु, पर जन मेरा पिता परमेस्वर न मितैं सिखै, ठिक उन्‍नि मि बुल्दु छौं।

यूहन्ना 8:38

अर मि त ऊं बातों तैं बोन्‍नु छौं, जु मिन अपणा पिता परमेस्वर का इख दिखिनी। पर तुम त ऊं कामों तैं करद्‍यां, जु तुमुन अपणा बुबा बटि सुणिनी।”

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।