यूहन्ना 14:20 - Garhwali

²⁰ फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।

गढवली नयो नियम

²⁰ जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

यूहन्ना 14:20 ပူးပေါင်းရင်းမြစ်များ

यूहन्ना 10:38

अर अगर मि करदु छौं, त चै तुम मेरु बिस्वास कैरा या नि कैरा, पर ऊं कामों पर त बिस्वास कैरा, ताकि तुम जाणि अर समझि सैका, कि पिता मि मा, अर मि पिता मा बसदु छौं।”

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 14:11

अर मेरु बिस्वास कैरा, कि मि पिता मा छौं अर पिता मि मा च। निथर जौं कामों तैं मिन कैरी, ऊं कामों की वजै से त बिस्वास कैरा।

यूहन्ना 16:23

अर वे दिन तुम मि बटि कुछ भि नि पूछील्या, पर जु कुछ भि तुम पिता बटि मंगिल्या उ सब पिता मेरा नौ से तुमतै द्‍यालु। अर यू मि तुम बटि सच्‍चि ही बोन्‍नु छौं।

यूहन्ना 16:26

अर मि तुम मा इन नि बोन्‍नु छौं, कि वे दिन मि पिता बटि तुम खुणि मंगलु, पर तुम त खुद ही मेरा नौ से मंगिल्या।

यूहन्ना 17:11

अर अब मिन ईं दुनियां मा नि रौण, किलैकि मि तुमरा पास औणु छौं, पर ऊंन त ईं दुनियां मा ही रौण। हे मेरा पवित्र पिता, अपणु नौ, जु तुमुन मितैं दियूं च वे ही नौ की शक्‍ति से यों की हिफाजत कैरा, ताकि जन हम दुईया का दुई एक छां, ठिक उन्‍नि ऊ भि एक ह्‍वे जा।

यूहन्ना 17:26

अर मिन तुमरा बारा मा ऊंतैं बतै, अर अगनै भि ऊंतैं बतौणु रौलु। किलैकि जु प्यार तुमुन मि बटि कैरी, उई प्यार ऊंमा बणयूं रौ अर मि भि ऊंमा बणयूं रौ।”

यूहन्ना 17:7

अर अब ऊ इन जाणि गैनी, कि जु कुछ तुमुन मि मा सौंप्याली, उ सब तुमरि ही तरफा बटि मिल्यूं च।

यूहन्ना 6:56

इलै जु कुई मेरु बदन तैं खान्दु अर मेरु ल्वे तैं पीन्दु च, उ मि मा अर मि वेमा बसदु छौं।

रोमियों 16:7

मेरा दगड़ा जेलखाना मा रौण वळा मेरा रिश्तेदार अन्द्रुनीकुस अर यूनीयास भै तैं मेरु सलाम, यीशु का खास चेलों मा बटि यू भौत खास लोग छिन। अर मेरा बिस्वास करण से भि पैलि यू लोग यीशु मसीह पर बिस्वास करदा छा।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

2 कुरिन्थि 12:2

अर मि यीशु मसीह पर बिस्वास करण वळु भक्‍त छौं, अर चौदह साल पैलि मितैं चाँद, तारों से भि मथि पिता परमेस्वर का पास स्वर्ग मा उठये गै। अर वे बगत मितैं सरील समेत उठये गै या बगैर सरील का यां का बारा मा मितैं अच्छे से पता नि च, मगर पिता परमेस्वर ईं बात का बारा मा भौत अच्छे से जणदु।

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

कुलुसी 1:19

किलैकि पिता परमेस्वर तैं यू ही अच्छु लगि, कि वेकी पूरि भरपूरी यीशु मसीह मा ही हो।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 2:9

इलै हे मेरा भै-बैंणो, यीशु मसीह का मुताबिक जीवन जीण से तुम लोग भि आत्मिक रुप से भरपूर ह्‍वे ग्यां। हाँ, जु कि सब किसम की ताकत अर अधिकारो को मुखिया च, किलैकि पिता परमेस्वर की पूरि भरपूरी यीशु मसीह मा ही च।

1 यूहन्ना 4:12

अर कैन भि परमेस्वर तैं कभि नि देखि, पर अगर जु हम एक-दुसरा से प्यार करद्‍यां, त पिता परमेस्वर हम मा वास करदु, अर वेको प्यार हम मा सिद्ध ह्‍वे जान्दु।