यूहन्ना 14:17 - Garhwali

¹⁷ अर दुनियां का लोग वेतैं स्वीकार नि कैरी सकदिन, किलैकि ऊ नऽ त वेतैं दिखदिन अर ना ही जणदिन। पर तुम वेतैं जणदा छाँ, किलैकि उ तुमरा दगड़ा मा रौन्दु च अर उ तुम मा होलु।

गढवली नयो नियम

¹⁷ या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

यूहन्ना 14:17 ပူးပေါင်းရင်းမြစ်များ

मत्ती 10:20

अर याद रखा कि बोन्‍न वळा तुम नि छाँ, बल्किन मा तुमरा भितर पिता परमेस्वर को पवित्र आत्मा च जु कि तुमरा द्‍वारा बोललु।

यूहन्ना 14:16

अर मि पिता बटि बिन्ती करलु, अर उ तुमतै एक और मददगार द्‍यालु, याने कि सच्‍चै को आत्मा। अर उ सदनि तुमरा दगड़ा मा रालु।

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 15:26

पर उ मददगार पिता मा बटि निकळदु अर वु सच्‍चै को आत्मा च, अर जैतैं मि पिता की तरफा बटि तुमरा पास भेजलु, जब उ आलु त उ मेरी गवै द्‍यालु।

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

1 कुरिन्थि 14:15

इलै हे मेरा भै-बैंणो, इन्दरि हालत मा क्या कन चयेणु? मि बस इन चान्दु कि जब मि पवित्र आत्मा का द्‍वारा प्रार्थना कैरुं, त लोग भि वीं बात तैं समझि सैका। अर जब मि पवित्र आत्मा का द्‍वारा आत्मिक भजन गौं, त मेरा दगड़ा का लोग ऊं भजनों को मतलब समझि सैका।

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

1 कुरिन्थि 3:16

क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

2 कुरिन्थि 6:16

अर मनखि खुद परमेस्वर को मन्दिर च, किलैकि ज्यून्द परमेस्वर अपणी पवित्र आत्मा का द्‍वारा हम मा रौन्दु, इलै मूरतों का दगड़ा मा परमेस्वर का मन्दिर को कुई रिश्ता नि च। अर जन कि पवित्रशास्‍त्र मा भि लिख्यूं च की परमेस्वर इन बुल्दु कि, “मि ऊंमा रौलु, अर ऊंका दगड़ा मा चललु, अर मि ऊंको परमेस्वर होलु, अर ऊ मेरा लोग होला।”

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

इफिसुस 2:22

अर अब तुम लोग भि यीशु मसीह का द्‍वारा हम यहूदी लोगु का दगड़ा मा मिली के एक इन मन्दिर बणौणा छाँ, जैमा पिता परमेस्वर अपणी पवित्र आत्मा का द्‍वारा रौन्दु।

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

2 तीमुथियुस 1:14

अर जै शुभ समाचार की शिक्षा त्वेतै दिईं च तू वीं शिक्षा तैं ऊं बटि बचै के रख जु गळत शिक्षा तैं देन्दिन, अर यू सब कुछ त्वेमा रौण वळा पवित्र आत्मा की मदद से किये जौ।

1 यूहन्ना 2:27

हे मेरा भै-बैंणो, यीशु मसीह न तुमरो अभिषेक पवित्र आत्मा का द्‍वारा कर्युं च। अर जब तक वेको पवित्र आत्मा तुम मा बणु रौन्दु, तब तक तुमतै सिखौणु खुणि कै की जरुरत नि च, किलैकि पवित्र आत्मा को अभिषेक तुमतै हरेक चीज का बारा मा सिखौन्दु, कि कु जि बात सच्‍चि छिन अर कु झूठ्‍ठी। इलै पवित्र आत्मा की शिक्षा तैं स्वीकार कैरिके वेको पालन कैरा, अर यीशु मसीह की संगत मा बणयां रा।

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

1 यूहन्ना 4:6

मगर हम परमेस्वर का छां, अर जु परमेस्वर तैं जणदु उ हमरि बातों तैं मणदु। अर जु मनखि परमेस्वर तैं नि जणदु, उ हमरि बात तैं भि नि मणदु। अर इनकै हम लोग सच्‍चै का आत्मा तैं, अर वे भरमौण वळा आत्मा तैं पछ्याण सकद्‍यां।

1 यूहन्ना 5:7

किलैकि पवित्र आत्मा सच्‍चै को आत्मा च।

दिब्य दरस 2:17

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, वेतैं मि वु खाणुक द्‍यूलु जु कि सदनि को जीवन देन्दु, अर एक सफेद ढुंगो भि द्‍यूलु जै पर एक नयू नौ लिख्यूं होलु, अर वेका अलावा वे नौ का बारा मा कैतैं भि पता नि होलु।”