यूहन्ना 14:13 - Garhwali

¹³ अर जु कुछ भि तुम मेरा नौ से मंगिल्या, उई मि करलु। ताकि पुत्र का द्‍वारा पिता की बडै हो।

गढवली नयो नियम

¹³ जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो।

यूहन्ना 14:13 ပူးပေါင်းရင်းမြစ်များ

मत्ती 21:22

अर प्रार्थना मा जु कुछ भि तुम बिस्वास से मंगिल्या, उ सब तुमतै मिली जालु।”

मत्ती 7:7

अर यीशु न इन भि बोलि कि, “मांगा, त तुमतै दिये जालु, खुजैल्या त तुमतै जरुर मिललु, खखटैल्या त तुम खुणि खुलै जालु।

मरकुस 11:24

इलै मि तुम बटि बोन्‍नु छौ कि जु कुछ भि तुम प्रार्थना मा मंगिल्या, त इन बिस्वास कैरा कि वु तुमतै मिली गै, अर सुणा, वु तुमतै मिली जालु।

लूका 11:9

अर मि तुमतै बतै देन्दु, “मांगा, त तुमतै दिये जालु, खुजैल्या त तुम पैल्या, खखटैल्या त तुम खुणि खुलै जालु।

यूहन्ना 10:30

मि अर पिता एक ही छां।”

यूहन्ना 12:44

तब यीशु न ऊँची आवाज मा बोलि, “जु कुई मि पर बिस्वास करदु, उ मि पर ना, बल्किन जैन मितैं भेजि च वे पर बिस्वास करदु।

यूहन्ना 13:31

जब यहूदा भैर चलि गै तब यीशु न बोलि, “मनखि को पुत्र कथगा महान च, यू लोगु तैं पता चललु। अर वेका द्‍वारा परमेस्वर कथगा महान च, यू भि ऊंतैं पता चललु।

यूहन्ना 14:14

अगर तुम मेरा नौ से जु कुछ भि मि बटि मंगिल्या, त वु मि करलु।”

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 15:7

अगर जु तुम मि मा बणयां रैल्या, अर मेरु वचन तुम मा बणयूं रालु, तब जु कुछ भि तुमतै चयेणु होलु, वेतैं मांगा अर वु सब कुछ तुमतै मिली जालु।

यूहन्ना 16:23

अर वे दिन तुम मि बटि कुछ भि नि पूछील्या, पर जु कुछ भि तुम पिता बटि मंगिल्या उ सब पिता मेरा नौ से तुमतै द्‍यालु। अर यू मि तुम बटि सच्‍चि ही बोन्‍नु छौं।

यूहन्ना 16:26

अर मि तुम मा इन नि बोन्‍नु छौं, कि वे दिन मि पिता बटि तुम खुणि मंगलु, पर तुम त खुद ही मेरा नौ से मंगिल्या।

यूहन्ना 16:7

फिर भि मि तुम मा सच्‍चि बोन्‍नु छौं, कि मेरु जाण तुम खुणि फैदे की ही बात च। किलैकि अगर जु मि नि जौलु, त वे मददगार न तुम मा नि औण, पर जब मि जौलु, त वेतैं तुम मा भेजलु।

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 7:37

तब त्योवार को आखिरी दिन ऐ, जु की खास दिन छौ। फिर यीशु खड़ु ह्‍वे अर ऊँची आवाज मा बुलण लगि गै, “जु कुई तिसळु च, उ मेरा पास अऽ अर पेई ल्यो।

1 कुरिन्थि 14:13

इलै जु मनखि दुसरि भाषा मा बुल्दु, उ पिता परमेस्वर से इन भि प्रार्थना कैरो कि उ वीं भाषा को मतलब आम बोल-चाल मा भि बतै सैको, ताकि सब लोग समझि सैका।

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

इफिसुस 3:14

इलै मि पिता परमेस्वर का समणि, जैकी बदौलत स्वर्ग अर धरती पर रौण वळा हरेक परिवार तैं जीवन मिलदु, मि घुंडा टेकी के तुम सभ्यों खुणि इन प्रार्थना करदु कि,

फिलिप्पी 4:13

किलैकि जु मितैं ताकत देन्दु वेका द्‍वारा मि सब कुछ कैरी सकदु छौं।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

इब्रानी 13:15

इलै हम यीशु मसीह का द्‍वारा हमेसा पिता परमेस्वर की भक्‍ति कैरा अर वेतैं स्वीकार कैरा।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

याकूब 1:5

अर अगर तुम मा बटि कै मा भि ज्ञान की कमी हो, त उ परमेस्वर बटि मांगु। तब परमेस्वर वेतैं द्‍यालु, किलैकि परमेस्वर बिना दोष लग्यां हरेक तैं खुला दिल से देन्दु।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 यूहन्ना 3:22

अर जु कुछ भि हम मंगुला पिता परमेस्वर हमतै दयालु, किलैकि हम वेकी आज्ञाओं को पालन करद्‍यां। अर हम उन्‍नि करद्‍यां, जु वेकी नजर मा अच्छु च।

1 यूहन्ना 5:14

अर हमतै पिता परमेस्वर पर पूरु यकीन च कि हम वेकी मनसा का मुताबिक जु कुछ भि वेसे मंगद्‍यां, त उ हमरि बात तैं सुणदु च।