यूहन्ना 14:12 - Garhwali

¹² अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

गढवली नयो नियम

¹² मि तुम मा सच-सच बुल्ण छौं जु मि पर विश्वास रखदु यूं कामों तैं जौं तैं मि करदु उ भि करलो बल्कि यां बट्टी भि बड़ा काम करुलु किलैकि मि बुबा मा जांणु छौं।

यूहन्ना 14:12 ပူးပေါင်းရင်းမြစ်များ

मत्ती 21:21

वेन ऊंतैं जबाब दिनी, “मि तुम बटि सच्‍च बोन्‍नु छौं, अगर जु तुम बिस्वास रखिल्या, अर सक नि करिल्या, त तुम भि यू कैरी सकद्‍यां जन मिन ये डाळा का दगड़ा मा कैरी, बल्किन मा अगर जु तुम ये पाड़ कू भि बोलिल्या कि ‘इख बटि उखड़ी जा, अर समुन्दर मा पोड़ि जा,’ त तुम खुणि उन्‍नि ह्‍वे जालु।

मरकुस 11:13

अर वेकी नजर दूर एक हरयां तिमला डाळा पर पोड़ि तब यीशु वेतैं दिखणु खुणि वेका पास गै, कि क्या पता वे पर कुछ तिमला मिली जा, मगर वेतैं पत्तों का अलावा वे पर एक भि तिमलु नि मिली, किलैकि वु समौ फलों को नि छौ।

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

यूहन्ना 14:28

तुमुन मितैं इन बुल्द सुणी कि, ‘मि जाणु छौं, अर फिर से मि तुमरा पास औलु।’ अगर जु तुम मि बटि प्यार करदा, त ईं बात से खुश होन्दा, कि मि पिता का पास जाणु छौं। किलैकि पिता मिसे भि महान च।

यूहन्ना 16:7

फिर भि मि तुम मा सच्‍चि बोन्‍नु छौं, कि मेरु जाण तुम खुणि फैदे की ही बात च। किलैकि अगर जु मि नि जौलु, त वे मददगार न तुम मा नि औण, पर जब मि जौलु, त वेतैं तुम मा भेजलु।

यूहन्ना 4:37

अर इख मा या औखाण ठिक बैठणी च, कि “‘एक बुतदु च, अर दुसरो कटदु च।’

यूहन्ना 5:20

अर पिता अपणा पुत्र बटि प्यार करदु अर जथगा भि कामों तैं उ खुद करदु, ऊं सभि कामों तैं वु वेतैं दिखान्दु च। अर पिता येसे भि बड़ा-बड़ा कामों तैं कैरिके वेतैं दिखालु, जै से कि तुम हकदक रै जा।

यूहन्ना 7:33

तब यीशु न लोगु कू बोलि, “मि कुछ बगत तक ही तुमरा दगड़ा मा छौं, अर फिर अपणा भेजण वळा का पास चलि जौलु।

यूहन्ना 7:39

यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

खास चेलों 10:46

किलैकि ऊं बिस्वासी लोगु न कुरनेलियुस का घौर मा इकट्‍ठा होयां लोगु तैं बन्‍नि-बन्‍नि किसमे की भाषा बुल्द, अर परमेस्वर की बडै करद सुणी।

खास चेलों 16:18

अर वा भौत दिन तक इन्‍नि बोन्‍नि रै। अर ईं बात से पौलुस भौत परेसान ह्‍वे गै, तब वेन पिछनै मुड़ि के नौनि का भितर वे आत्मा कू बोलि, “मि त्वेतै यीशु मसीह का नौ से हुकम देन्दु, कि वींका भितर बटि भैर निकळि जा।” अर वु खबेस तुरन्त निकळि गै।

खास चेलों 19:12

इख तक की जु रूमाल या कपड़ा पौलुस को इस्तेमाल कर्युं रौन्दु छौ जब ऊंतैं बिमारों पर लगये जान्दु छौ, त वु लोग अपणी-अपणी बिमारियों मा बटि खूब ह्‍वे जान्दा छा। इख तक कि जौं लोगु मा खबेस लग्यां रौन्दा छा, ऊ खबेस भि लोगु मा बटि निकळि जान्दा छा।

खास चेलों 2:33

अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च।

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

खास चेलों 4:16

अर ऊंन आपस मा बोलि कि, “हम यों दुईयों का दगड़ा मा क्या जि कैरा? किलैकि यों का द्‍वारा सच्‍चि मा अदभुत चमत्कार दिखये गै, अर ईं बात का बारा मा यरूशलेम नगर का सब निवासी लोगु तैं पता चलि गै अर हम ईं बात तैं नकारी नि सकद्‍यां।

खास चेलों 4:33

अर खास चेला प्रभु यीशु का मुरदो मा बटि ज्यून्द होण की गवै का बारा मा बड़ी सामर्थळ बतौन्दा छा। अर ऊं सभ्यों पर परमेस्वर की बड़ी किरपा छै।

खास चेलों 4:4

पर जथगा लोगु न वचन तैं सुणी ऊंमा बटि भौत सरा लोगु न बिस्वास कैरी, अर ऊं लोगु मा बैखों की संख्या ही लगभग पांच हजार छै।

खास चेलों 5:15

इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

खास चेलों 8:7

किलैकि भौत सा लोगु पर खबेस लग्यां छा, वु खबेस चिल्‍लै-चिल्‍लै के ऊंमा बटि निकळि जान्दा छा। अर भौत सा लोग जौं तैं लकवा पोड़्यूं छौ, अर जु लंगड़ा छा यों सब लोगु तैं खूब किये जान्दु छौ।

खास चेलों 9:34

तब पतरस न वेकू बोलि, “हे ऐनियास उठ, अर अपणु बिस्तर उठौ, किलैकि यीशु मसीह त्वेतै खूब कनु च।” अर वु तुरन्त उठी के खड़ु ह्‍वे गै।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।