यूहन्ना 14:1 - Garhwali

¹ अर यीशु न अपणा चेलों कू फिर से बोलि, “तुम अपणा मन मा नि घबरा, पर परमेस्वर पर बिस्वास कैरा अर मि पर भि बिस्वास कैरा।

गढवली नयो नियम

¹ “तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।

यूहन्ना 14:1 ပူးပေါင်းရင်းမြစ်များ

यूहन्ना 11:33

अर यीशु न देखि की मरियम रुंणी च, अर जु यहूदी लोग वींका दगड़ा मा अयां छा, ऊ भि रुंणा छिन। तब उ आत्मा मा भौत उदास ह्‍वे गै अर हकबकै गै।

यूहन्ना 12:27

“मेरु ज्यू घबराणु च। अब मिन क्या बोन्‍न? ‘हे पिता दुख का ये बगत से मितैं बचै द्‍या,’ इन बुलण क्या? ना, इन नि बोन्‍न। किलैकि येका बानो ही मि अयूं छौं।

यूहन्ना 12:44

तब यीशु न ऊँची आवाज मा बोलि, “जु कुई मि पर बिस्वास करदु, उ मि पर ना, बल्किन जैन मितैं भेजि च वे पर बिस्वास करदु।

यूहन्ना 13:19

अर यू होण से पैलि ही मि तुमतै येका बारा मा बतै देन्दु, ताकि जब यू पूरु ह्‍वे जौ, त तुम बिस्वास कैरा कि मि उई छौं।

यूहन्ना 16:24

अर अभि तक तुमुन मेरु नौ से कुछ भि नि मांगि। इलै मांगा, त तुमतै दिये जालु, ताकि तुम भरपूर आनन्द कैरी सैका।

यूहन्ना 16:3

अर इन ऊ लोग इलै करला, किलैकि ऊंन नऽ त पिता तैं पछ्याणी अर ना ही मितैं।

यूहन्ना 16:6

अर मिन यू सब बात जु तुम मा बुलिनी, इलै तुमरो मन बड़ु दुखी ह्‍वे गै।

यूहन्ना 5:23

किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

2 कुरिन्थि 2:7

इलै अब तुम वे आदिम तैं माफ कैरी द्‍या, अर अगर जु तुम वेतैं माफ नि करिल्या, त वे आदिम तैं इन लगण कि अब तुमुन वेतैं कभि माफ नि कन, अर फिर कखि इन नि हो कि उ आदिम प्रभु यीशु पर बिस्वास करण छोड़ि द्‍यो।

इफिसुस 1:15

इलै हे मेरा भै-बैंणो, जब बटि मिन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर ठिक उन्‍नि वे प्यार का बारा मा भि सुणी जु कि तुम बिस्वासी लोगु का दगड़ा मा करद्‍यां,

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।