यूहन्ना 13:5 - Garhwali

⁵ येका बाद वेन परात मा पाणि भोरी अर चेलों का खुटा धोण लगि गै, अर अपणी कमर पर बन्धयां अंगोछन फुंजण लगि गै।

गढवली नयो नियम

⁵ तब भांडा पर पांणी भोरि के अपड़ा चेलों का खुट्टा धूंण अर जै अँगोछा ल एक दास का जन वेकी कमर पर बंधि छै वे बट्टी फुंजंण लगि गै।

यूहन्ना 13:5 ပူးပေါင်းရင်းမြစ်များ

लूका 7:38

अर वा यीशु का खुटों का समणि खड़ि ह्‍वेके रुंण लगि गै, अर अपणा आंसुवोंन वेका खुटों तैं भिगौण लगि गै। अर अपणा बाळो से फुंजणि, अर बार-बार वेका खुटों की भूकि पीणी छै, अर वेका खुटों पर खुशबुदार इतर मळणी छै।

लूका 7:44

तब यीशु न वीं जनानि की तरफा मुड़ि के शमौन कू बोलि, “तू ईं जनानि तैं देख, मि तेरा घौर मा औंऽऽ, पर तिन मेरा खुटों तैं धोणु कू पाणि तक भि नि देई। पर ईं जनानि न अपणा आंसुवोंन मेरा खुटों तैं भिगै, अर अपणा बाळुन फुंजी।

यूहन्ना 13:10

फिर यीशु न वेकू बोलि, “जु नहे गै वेतैं खुटों का अलावा और कुछ भि धोणे की जरुरत नि च। किलैकि उ त पूरि तरौं से शुद्ध च। अर तुम शुद्ध छाँ, पर सभ्या का सभि ना।”

यूहन्ना 13:6

अर जब उ शमौन पतरस का समणि ऐ, तब वेन यीशु कू बोलि, “प्रभु, क्या तुमुन मेरा खुटा धोणिन?”

यूहन्ना 13:8

पर पतरस न वेकू बोलि, “मि तुमतै अपणा खुटा कभि भि धोणु कू नि द्‍यूलु।” यू सुणी के यीशु न वेकू बोलि, “अगर जु मि तेरा खुटा नि धूलु, त तू मेरा दगड़ा मा साझी नि ह्‍वे सकदी।”

यूहन्ना 19:34

तब एक सिपै न वेकी पंणकोखि पर भाले की मारी, अर तुरन्त उख बटि ल्वे अर पाणि निकळण लगि गै।

खास चेलों 22:16

इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

इफिसुस 5:26

अर जन पाणि का द्‍वारा साफ किये जान्दु, ठिक उन्‍नि वु हमतै अपणा वचन का द्‍वारा शुद्ध करदु।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

1 यूहन्ना 5:6

अर यीशु मसीह ही च जु कि ईं दुनियां मा पाणि अर खून का द्‍वारा ऐ। अर पाणि ही पाणि का द्‍वारा ना बल्किन मा पाणि अर ल्वे का द्‍वारा भि। अर पवित्र आत्मा वु च जु कि वेका बारा मा गवै देन्दु, अर जु कुछ वु बतौन्दु उ सब सच्‍च च,

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

दिब्य दरस 7:14

अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।