यूहन्ना 13:34 - Garhwali

³⁴ इलै अब मि तुमतै एक नई आज्ञा देन्दु छौं, कि तुम एक-दुसरा बटि प्यार कैरा। अर जन मिन तुम बटि प्यार कैरी, उन्‍नि तुम भि एक-दुसरा बटि प्यार कैरा।

गढवली नयो नियम

³⁴ मि तुम तैं एक नई आज्ञा दींणु छौं कि तुम एक दुसरा बट्टी प्रेम रखा जन मि तुम बट्टी प्रेम रखदु छों उन ही तुम भि एक दुसरा बट्टी प्रेम रखा।

यूहन्ना 13:34 ပူးပေါင်းရင်းမြစ်များ

मत्ती 5:44

पर मि तुमतै बतै देन्दु, कि अपणा दुसमनों बटि भि प्यार कैरा, अर जु लोग तुमतै सतौणा छिन ऊं खुणि प्रार्थना कैरा।

यूहन्ना 15:17

अर यू सब आज्ञा मि तुमतै इलै देणु छौं, कि तुम एक-दुसरा से प्यार कैरा।”

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

रोमियों 12:10

अर अपणा आपस मा भै-बैंणो की तरौं सच्‍चा दिल से प्यार कैरा, अर हमेसा एक-दुसरो को आदर-सम्मान कैरा।

रोमियों 13:10

अर अगर जु तुम दुसरा लोगु से प्यार करद्‍यां, त तुम वेका दगड़ा मा गळत नि करद्‍यां, किलैकि प्यार करण को मतलब ही सब नियम-कानूनों तैं पूरु करण से च।

रोमियों 13:8

हे मेरा भै-बैंणो, तुमरो यू फरज बणदु कि तुम सब लोगु से प्यार कैरा, अर ऊंतैं ऊंको पूरु हक द्‍या, किलैकि जु मनखि दुसरा लोगु तैं प्यार करदु वेन सब नियम-कानून को पालन कैरियाली।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

गलातियों 6:2

अर दुख-तकलीफ मा एक-दुसरा की मदद कैरा, अर इन कैरिके यीशु मसीह का नियम-कानून तैं पूरु कैरा।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

कुलुसी 1:4

किलैकि हमुन तुमरा वे बिस्वास का बारा मा सुणी जु कि तुम प्रभु यीशु मसीह पर करद्‍यां, अर वे प्यार का बारा मा भि सुणी जु कि तुम बिस्वासी लोगु से करद्‍यां।

1 थिस्सलुनीकी 3:12

अर जन हम तुम बटि प्यार करद्‍यां, ठिक उन्‍नि तुम भि एक-दुसरा बटि प्यार कैरा अर तुमरो यू प्यार सभ्यों खुणि जादा से जादा बढदी जौ। अर हम प्रार्थना करद्‍यां की इन होणु खुणि प्रभु तुमरि मदद कैरो।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

इब्रानी 13:1

हे मेरा भै-बैंणो एक-दुसरा का दगड़ा मा प्यार से रा।

याकूब 2:8

अर पवित्रशास्‍त्र मा परमेस्वर का राज का नियम-कानूनों का मुताबिक जु लिख्यूं च, अगर तुम वेको पालन करद्‍यां, त तुम ठिक ही करद्‍यां। अर उ नियम यू च कि, “तुम अपणा पड़ोसी बटि, अफ ही जन प्यार कैरा।”

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

1 यूहन्ना 3:11

अर जु वचन तुमुन बिस्वास करण का बगत बटि सुणी, उ त यू च कि हमतै एक-दुसरा बटि प्यार करण चयेणु।

1 यूहन्ना 3:23

अर या ही त पिता परमेस्वर की आज्ञा च, कि हम वेका पुत्र प्रभु यीशु मसीह पर बिस्वास कैरा। अर ज्वा आज्ञा खुद वेन देई वेका मुताबिक हम एक-दुसरा बटि प्यार कैरा।

1 यूहन्ना 4:21

इलै हमतै यीशु मसीह का द्‍वारा इन आज्ञा मिली च कि जु मनखि परमेस्वर से प्यार करदु, वेतैं सब लोगु बटि प्यार करण चयेणु।

2 यूहन्ना 1:5

हे मेरी बैंण, अब मि त्वेतै कुई नई आज्ञा नि देणु, बल्किन मा मि त्वेतै वीं ही आज्ञा का बारा मा लिखणु छौं, ज्वा कि शुरुवात बटि हमतै मिली च, अर मि त्वेसे बिन्ती करदु कि हम एक-दुसरा का दगड़ा मा प्यार से रा।