यूहन्ना 13:33 - Garhwali

³³ “मेरा बच्‍चों, अब मि तुमरा दगड़ा मा कुछ ही देर तक छौं। फिर तुम मितैं खुजैल्या, अर जन मिन यहूदियों कू बोलि, उन्‍नि मि अब तुमकु भि बोन्‍नु छौं, कि जख मि जाणु छौं, उख तुम नि ऐ सकद्‍यां।

गढवली नयो नियम

³³ बालकों मि और थोड़ा देर तुमारा दगड़ा मा छौं फिर तुम मि तैं ढुंड़िल्या अर जन मिल यहूदियों कु बोलि, कि जख मि जांणु छौं उख तुम नि ऐ सकद्यां अर उन ही अब मि तुम मा भि बुल्णु छौं।

यूहन्ना 13:33 ပူးပေါင်းရင်းမြစ်များ

यूहन्ना 13:36

तब शमौन पतरस न यीशु तैं पूछी, “प्रभु तुम कख जाणा छाँ?” यीशु न वेतैं जबाब देई, “जख मि जाणु छौं, उख तू अभि मेरा पिछनै नि ऐ सकदी, पर बाद मा ऐलि।”

यूहन्ना 14:19

अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

यूहन्ना 14:2

अर मेरा पिता का घौर मा भौत सरी जगा च। अगर जु नि होन्दी त मि तुमतै बतै देन्दु। किलैकि मि तुम खुणि जगा तयार करणु कू जाणु छौं।

यूहन्ना 7:36

अर या क्या बात च कि ज्वा वेन बोलि, कि ‘तुम मितैं खुजैल्या, पर मि तुमतै नि मिललु’ अर ‘जख मि रौलु उख तुम नि ऐ सकद्‍यां?’”

गलातियों 4:19

हे मेरा बच्‍चों, मि तुम खुणि फिर से परसव जन पीड़ा सौंणु छौं। अर या पीड़ा तब तक राली, जबरि तक मसीह को रुप तुमरा भितर फिर से बणि के तयार नि ह्‍वे जौ।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

1 यूहन्ना 5:21

हे मेरा प्यारा बच्‍चों, खुद तैं दुसरा द्‍यबताओं से बचै के रखा।