यूहन्ना 12:6 - Garhwali

⁶ अर वेन या बात इलै नि बोलि, कि वेतैं गरीब लोगु की चिन्ता-फिकर छै। पर उ त चोर छौ, अर रुपयों की थैली भि वेमा ही रौन्दी छै। अर जु कुछ भि उखुन्द डळै जान्दु छौ, उ वामा बटि निकाळि देन्दु छौ।

गढवली नयो नियम

⁶ वेल या बात इलै नि बोलि छै कि वे तैं गरीबों कि चिंता छै पर इलै की उ चोर छो अर वेमा ऊं सभियूं कि रुप्यों कि थैलि रांदि छै वीं थैलि मा जु कुछ भि डलेंदु छो उ निकाली दींदु छो।

यूहन्ना 12:6 ပူးပေါင်းရင်းမြစ်များ

मत्ती 21:13

तब वेन बोलि, “इन लिख्यूं च कि, “‘मेरु घौर प्रार्थना को घौर होलु,’ पर तुमुन येतैं डकैतों को उड़्यार बणैयालि।”

लूका 8:3

अर ऊं मदि योअन्‍ना, ज्वा कि हेरोदेस अन्तिपास का घौर का कर्ता-धर्ता खुजा की घरवळी छै, अर वींका दगड़ा मा सूसन्‍नाह अर भौत सि जनानियां भि छै। अर यू सब अपणी धन-दौलत बटि यीशु अर वेका चेलों की मदद करदी छै।

यूहन्ना 10:13

अर उ त इलै भागी जान्दु, किलैकि उ मजदूर ही च अर वेतैं भेड़ों की कुई चिन्ता नि होन्दी।

यूहन्ना 12:5

“यू खुशबुदार तेल तीन सौ दीनार मा बिकी सकदु छौ, अर उ पैसा गरीबों तैं दिये जै सकदा छा।”

यूहन्ना 13:29

अर ऊंमा बटि कुछ न सोची, कि त्योवार मा जु-जु चीज जरुरी छिन, ऊंतैं मोल लिणा का बानो, या त गरीबों मा दान बंटणा का खातिर वेन इन बोलि होलु। किलैकि यहूदा मा पैसौं की थैली रौन्दी छै।

1 कुरिन्थि 6:10

चोरी करण वळा, लालची, दरोळया, गळी देण वळा, अर दुसरो तैं ठगण वळा, इन्द्रया लोग पिता परमेस्वर का राज का वारिस नि होला।

गलातियों 2:10

अर ऊंन हम कू सिरफ इथगा बोलि कि गरीब भै-बैंणो की मदद कना रा, अर मि खुद भि कुछ इन्‍नि चान्दु छौं।

1 थिस्सलुनीकी 5:22

पर जु बात बुरी छिन ऊंतैं स्वीकार नि कैरा।

याकूब 2:2

अगर कुई मनखि सोना की अंगुठी अर मैंगा कपड़ा पैरि के तुमरि सभा मा अयूं हो, अर तन्‍नि एक गरीब मनखि भि चिरयां-फटयां कपड़ा पैरि के उख अयूं हो,

याकूब 2:6

पर ऊं गरीबों को अपमान तुमुन कैरी। अर जौं सेठों को तुमुन आदर-सम्मान कैरी, क्या ऊ तुम पर जुलम नि करदिन? क्या ऊ तुमतै खैंची के कचैरीयों मा नि लि जनदिन?