यूहन्ना 12:49 - Garhwali

⁴⁹ किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्‍न, अर क्या-क्या बतौण।

गढवली नयो नियम

⁴⁹ किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 12:49 ပူးပေါင်းရင်းမြစ်များ

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 14:24

पर जु कुई मि बटि प्यार नि करदु, उ मेरा वचन तैं भि नि मणदु। अर जु वचन तुम सुणद्‍यां, उ मेरु ना बल्किन मा जै पिता न मितैं भेजि च वेको च।

यूहन्ना 14:31

पर यू त इलै होणु च, कि दुनियां का लोग जाणि जा, कि मि पिता से प्यार करदु अर जन पिता न मितैं आज्ञा देई, मि उन्‍नि करदु छौं। “अब उठा, इख बटि चलद्‍यां।”

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 3:11

अर मि तुम सच्‍चि ही बोन्‍नु छौं, कि हम जु जणदा छां, उई बुल्द्‍यां, अर जु हमुन देखि च, वेकी गवै देन्दा छां, पर तुम हमरि गवै तैं स्वीकार नि करद्‍यां।

यूहन्ना 3:32

अर जु कुछ भि वेन देखि अर सुणी च, वेका बारा मा उ गवै देन्दु, पर कुई भि वेकी गवै तैं स्वीकार नि करदु।

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 5:30

मि अपणी तरफा बटि कुछ नि कैरी सकदु, पर जन पिता बटि सुणदु छौं, ठिक उन्‍नि न्याय करदु अर मेरु न्याय सच्‍चु च। किलैकि मि अपणी इच्छा तैं ना, बल्किन मा अपणा भेजण वळे की मनसा तैं पूरु करण चान्दु।”

यूहन्ना 6:68

फिर शमौन पतरस न वेतैं जबाब देई, “हे प्रभु, हमुन कै मा जाण? किलैकि सदनि को जीवन देण वळी बात त तुम मा ही छिन।

यूहन्ना 7:16

तब यीशु न ऊंतैं जबाब देई, “मेरु उपदेस मेरु अपणु नि च, पर मेरा भेजण वळा को च।

यूहन्ना 8:26

अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

यूहन्ना 8:28

इलै वेन ऊंकू बोलि, “जब तुम मनखि का पुत्र तैं ऊँचा पर चड़ैल्या, तब तुमतै पता चललु, कि मि उई छौं अर मि अपणा अधिकार बटि कुछ नि करदु, पर जन मेरा पिता परमेस्वर न मितैं सिखै, ठिक उन्‍नि मि बुल्दु छौं।

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।