यूहन्ना 12:47 - Garhwali

⁴⁷ अर जु कुई मेरी बातों तैं सुणी के वेका मुताबिक नि चलदु वे पर मि दोष नि लगौन्दु, किलैकि मि दुनियां का लोगु तैं दोषी ठैराणु खुणि ना, बल्किन दुनियां का लोगु तैं बचौणु खुणि अयूं छौं।

गढवली नयो नियम

⁴⁷ जु कुई मेरी बात सूंणि के वेकी मंणदु नि च त मि वे तैं भंगारी नि ठैरालो, किलैकि मि दुनिया का लुखुं तैं भंगारी ठैरांण कु नि, पर दुनिया का लुखुं तैं बचौणु कु अयुं छौं।

यूहन्ना 12:47 ပူးပေါင်းရင်းမြစ်များ

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

मत्ती 18:11

[अर मनखि को पुत्र हरच्यां लोगु तैं बचौणु खुणि अयूं च।”]

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

लूका 9:56

तब ऊ सब कै दुसरा गौं कू चलि गैनी।

यूहन्ना 12:48

अर जु कुई मितैं सुद्‍दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली।

यूहन्ना 3:17

परमेस्वर न अपणा पुत्र तैं इलै नि भेजि कि उ दुनियां का लोगु को न्याय कैरो, बल्किन मा वेन अपणा पुत्र तैं दुनियां का लोगु तैं बचौणु खुणि भेजि।

यूहन्ना 5:45

तुम इन नि समझा, कि मि पिता का समणि तुम पर दोष लगौलु। किलैकि तुम पर दोष लगौण वळु त मूसा च, अर वेका दियां नियम-कानूनों पर तुमुन बेकार मा अपणी आस लगईं च।

यूहन्ना 8:26

अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।