यूहन्ना 12:31 - Garhwali

³¹ अब ईं दुनियां को न्याय होणो को बगत ऐ गै। अर जु ईं दुनियां पर राज कनु च, वेतैं भैर निकळे जालु।

गढवली नयो नियम

³¹ दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

यूहन्ना 12:31 ပူးပေါင်းရင်းမြစ်များ

मत्ती 12:28

पर अगर जु मि परमेस्वर की आत्मा की मददळ खबेसों तैं निकळदु, त ईं बात तैं सुणिल्या कि परमेस्वर को राज तुमरा नजदीक ऐ गै।

यूहन्ना 14:30

अर अब मिन तुमरा दगड़ा मा जादा बात नि करण, किलैकि ईं दुनियां पर राज करण वळु औण वळु च। फिर भि वेको मि पर कुई भि अधिकार नि च।

यूहन्ना 3:19

अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

यूहन्ना 9:39

तब यीशु न बोलि, “मि इलै अयूं, कि ईं दुनियां को न्याय मेरा द्‍वारा किये जौ, किलैकि जु नि देख सकदिन ऊ दिखण लगि जा, अर जु देखि सकदिन ऊ अन्धा ह्‍वे जा।”

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

इफिसुस 6:12

किलैकि हम बिस्वासी लोगु की या लड़ै मनखियों का दगड़ा मा नि च, जौं पर केवल मांस, ल्वे अर हड़गा ही छिन, बल्किन मा हमरि लड़ै त दुष्‍ट खबेसों, अर ऊंका परधानों अर अधिकारीयों का दगड़ा मा च, जु कि ईं अन्धेरी दुनियां पर सासन करदिन अर आसमान मा रौनदिन।

कुलुसी 2:15

अर यीशु मसीह न सासन करण वळी, अर अधिकार रखण वळी सब बुरी ताकतों पर क्रूस का द्‍वारा जीत हासिल कैरिके ऊंको खुलाआम तमसो बणै दिनी।

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

1 यूहन्ना 3:8

पर जु मनखि पाप कनु रौन्दु, उ शैतान की औलाद च, किलैकि शैतान शुरु बटि ही पाप करदी औणु च। अर परमेस्वर को पुत्र इलै परगट ह्‍वे, ताकि उ शैतान का कामों तैं नास कैरी द्‍यो।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

1 यूहन्ना 5:19

अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।